nepal lifef 2076 8 8

न्हूदँ तःजिक हनेत सांस्कृतिक बाजं खलःयात किपू देछाल

नेवा: अनलाइन न्युज – निश्चल | २०७६ कार्तिक ११, सोमबार १३:५६:४२

न्हूदँ ११४० या लसताय् कन्हय् येँया बसन्तपुरं न्ह्याइगु सांस्कृतिक भिंतुना  ¥याली तःजिक न्यायेकेगु नितिं म्हिगः आइतवाः येँया  नेपाः ब्याकेटय् नासः पूजाया प्रसाद ग्रहण व बाजं खलःयात किपू देछाःगु दु।
न्हूदँ समारोह समिति ११४० या नायः रमेश  महर्जनंया सभापतित्वय् जुगु उगु ज्याझ्वलय् येँ महानगरपालिकाया मेयर बिद्यसुन्दर शाक्य उप मेयर हरिप्रभा खडगी श्रेष्ठ व नेपालभाषा मंकाः खलःया न्वकू मल्ल के. सुन्दर, समारोह समितिया पुलांपिं नायःपिं व सल्लाकार समितिया कजि लक्ष्मीदास मानन्धर पाहाँ कथं झायादिगु खः ।
ज्याझ्वलय् समारोह समिति ब्यबस्थापन पुचःया दुजः सुजीब बज्राचार्य लसकुस यानादिगु उगु ज्याझ्वलय् १६८ गू सांस्कृतिक बाजं खलःयात किपू देछाना सम्मान याःगु खः ।
ब्यबस्थापन समितिया मेम्ह दुजः पंच महर्जनं न्ह्याकादिगु उगु ज्याझ्वलय् सुभाय् दुजः पवित्र कसाः नं  देछानादिगु खः ।

Categorized in स्थानिय-समाज