ad 2076 5 18

न्यूज अपडेटः नेपालं हङकङयात बुकल, नेपाः यू–१९ एसिया कपय्

नेवा: अनलाइन न्युज | २०७६ आषाढ २४, मंगलबार १३:१६:२८

नेपालं यू–१९ एसिया कप म्हितीगु जूगु दु । थौं मंगलवाः पूर्वी क्षेत्र छनोटया फाइनलय् हङकङयात विकेटया शानदार जित ल्हातय् लाकुसें नेपालं एसिया कपय् थाय् दयेकूगु खः ।

मलेसिया किनरारा ओभलय् हङकङं ब्यूगु ९६ रनया जक लक्ष्य नेपालं १६.१ ओभरय् ४ विकेट गुमेयानाः नापलाकूगु खः ।

नेपाःया सुरुवत बांलाः जूगु खः । अञ्ज न्ह्यः ५ ओभरय् ४४रन दयेकूगु नेपालं ५२ रन दयेकूबलय् ऋत गौतमयात गुमेयाःगु खः । व १३ रनय् आउट जूगु खः ।

३९ रनय् आउट जुइन्ह्यः पवन शरार्पmं खडकबहादुर बोहोरालिसे २४ रनया साझेदारी याःगु खः । बोहरां ८ रन दयेकूगु खः । कप्तान रोहितकुमार पौडेलं १२ रन मुंकूगु खः ।

टस बुकाः ब्याटिङ्ग याःम्ह हङकङं ४३.१ ओभरय् फुक्क विकेट गुमेयानाः ९५ रन दयेकूगु खः । हङकङया आदित गोरवारां २४ व काल्हन मार्कं १९ रन दयेकूबलय् मेपिं ब्याट्सम्यान सने हे मफूगु खः ।

हङकङयात अःपुक्क हे कःघायेगु झ्वलय् सागर ढकालं घाटक बलिङ्ग याःगु खः । १० ओभर बलिङ्ग याःम्ह सागरं ५ मेडिन तयाः १८ रन ब्यूगु खः व ५ विकेट काःगु खः । कमल सिंह ऐरीं ३ विकेट काःगु खः ।

च्यागू देसया धेंधेंबल्ला

नेपालं एसिया कपया थुगु संस्करण २८ अगष्टनिसेट श्रीलंकाय् धेंधेंबल्ला याइ । कासाय् ग्वसाः खलः श्रीलंकालिसें अफगानिस्तान, बंगलादेश, भारत, पाकिस्तान, यूएई, कुवेतलिसें नेपाल दुथ्याःगु दु ।

Categorized in कासा