नेविसंघं भारतीय नक्साया विरोय् येँय् प्रदर्शन
नेवा: अनलाइन न्युज | २०७६ कार्तिक २२, शुक्रबार १२:५४:३५
भारतं नेपाली भूमियात थःगु सीमा दुने लाका: नक्सा सार्वजनिक याःगु विरोधय् नेपाल विद्यार्थी संघ (नेविसंघं) प्रदर्शन याःगु दु ।
पशुपति क्याम्पस चाःबहीपाखें न्ह्याःगु उगु प्रदर्शनय् सहभागीपिन्सं ‘भारतीय विस्तारवाद मुर्दावाद, कालापानी–लिम्पियाधुरा व लिपुलेक फिर्ता या, गो ब्याक इण्डिया’ लिसेंया नारा थ्वयेकूगु खः ।
भारतं आः नकतिनि जारी याःगु राजनीतिक नक्साय् कालापानी, लिम्पियाधुरा व लिपुलेकयात भारतीय सीमा दुने लाकूगु दु । थुकिया नेपालय् प्यख्येंरं विरोध जुयाच्वंगु दु ।
Categorized in राष्ट्रिय