telecom 18 kartik 2076

नेवाः यूट्युबं चिहा संकिपा कासाया च्वमि व कलाकारपिन्त सुभाय् विइगुु

नेवा: अनलाइन न्युज – ललेन्द्र शाक्य | २०७६ आश्विन ८, बुधबार १६:३५:५१

नेपालभासा चीहा संकिपा ग्वसाः ग्वया च्वंगुलिं ब्वति काये कथं नेवाः यूट्युबपाखें स्वंगू चिहा संकिपा दयेके क्वचायेकुगु दु । नेवाः युट्युबय् थीथी नेवाः गतिबिधि नापं चिहा संकिपा नं न्ह्यब्वयेगु यानाः वयाच्वंगु दु ।

बुधवाः स्वंगुलिं चिहा संकिपाया च्वमिपिं व प्याखंम्वःपिन्त सुभाय् विइत नेवाः यूट्युबं ज्याझ्वः यायेत्यंगु दु ।

ग्वसाः खलकं चिहा संकिपा कासाय् ब्वति कायेत प्रकाशित साहित्यया लिधंसाय् दयेकेमाःगु नियम दुगु कथं नेपालभाषा उपन्यास ख्यःया न्हापांम्ह मिसा च्वमि मय्जु शशिकला मानन्धरया बाखं “ध्वः छध्वः रेखां क्यूगु”या लिधंसाय् वहे नामं चिहा संकिपा दयेकुगु दु ।

अथेहे राज महर्जनया बाखं “ह्याउँगु हि” व मेगु चिनाखँ “च्यानाच्वंगु पाल्चा”या लिधंसाय् “आस्था” नांया चिहा संकिपा दयेकेगु ज्या जूगु खः । स्वंगुलिं चिहा संकिपाया निर्देशन भाजु योबन शाक्यं यानादीगु खःसा भाजु शाक्यं हे सम्पादन यानादीगु खः ।

चिहा संकिपाय् लोकंह्वाःपिं कलाकारपिं सुरज ब्यञ्जनकार, सरस्वती मानन्धर, रोजिना सुवाल, सरिता बज्राचार्य, प्रबोध कसाः लिसें न्हुपिं कलाकारपिनिगु अभिनय स्वयेफइगु खँ नेवाः यूट्युबं जानकारी ब्यूगु दु ।

Categorized in कला