jivan sahara nepal life

नेवाः मोर्चां माणिकलाल श्रेष्ठयात हन

नेवा: अनलाइन न्युज | २०७६ फाल्गुण १, बिहिबार २१:००:१०

नेवाः राष्ट्रिय मुक्ति मोर्चा, नेपाःया स्वकःगु राष्ट्रिय सम्मेलनय् प्रा। माणिकलाल श्रेष्ठयात वय्कःया योगदानयात कदर यासे हनाबना याःगु दु ।

नेपाःया बामपंथी आन्दोलनया न्ह्यलुवा, बामपंथी बौद्धिक व्यक्तित्व व नेवाः नापं आदिवासी जनजाति मुक्ति आन्दोलनया न्ह्यलुवा अले नेवाः राष्ट्रिय मुक्ति मोर्चा, नेपाःया संरक्षक जुया देय् व जनताया मुक्तिया नितिं मद्दिक्क व अथक योद्धाकथं आजीवन सतिसाल जुया देय् व उत्पीडित जनताया पक्षय् यानादीगु योगदानयात सम्मान व कदर यासें नेवाः राष्ट्रिय मुक्ति मोर्चा, नेपाः नायः पवन मान श्रेष्ठं माणिकलाल श्रेष्ठ मोर्चाया तःमुँज्याय् झायादी मफुगुलि  वय्कःया छेँ वनाः उसायँ बांलाना वनेमा धकाः भिंतुना बिसे हनापौ लःल्हानादीगु दु । नेवाः सूचना केन्द्र

Categorized in राष्ट्रिय