नेवा: अनलाइन न्युज | २०७६ भाद्र ३०, सोमबार १६:४४:४२

नेपालभाषा साहित्य ख्यलय् चिनाखँ विधाय् न्हूगु पुस्तां पलाः न्ह्याकाः यंकेमाः धैगु तातुनाः नेवाः क्यबया ग्वसालय् ब्वनेकुथिया ब्वँमिपिनिगु दथुइ चिनाखँ धेंधेंबल्ला कासा जूगु दु ।

सूरबहादुर श्रेष्ठ मूपाहाँ कथं झायादीगु उगु मुँज्या दर्शनवीर शाक्यया नायःसुइ रमिता बज्राचार्यं ज्याझ्वः न्ह्याकादीगु खःसा सुनिता मानन्धरं लसकुस न्वचू तयादीगु खः ।

वर्षा श्रेष्ठ व प्रेरणा खड्गी–कन्या मन्दिर मा.वि., प्रकृति बलामि व सुहाना शाक्य–श्री महांकाल मा.वि., सचेतना मानन्धर व शिमला शाक्य–जगत सुन्दर ब्वनेकुथि, सलिना कुसुले व आशिका श्रेष्ठ–श्री सरस्वती निकेतन मा.वि., खुशी शाह व शिवानी श्रेष्ठ– हिमालय मा.वि., करिष्मा श्रेष्ठ व मनिश श्रेष्ठ–श्री जुद्धोदय मा.वि., रेश्मा मगर (खड्गी) व स्वस्तिका श्रेष्ठ– जनप्रभात मा.वि., सृजना महर्जन व श्रीजल मुनि बज्राचार्य–मंगल मा.वि.यापिं ब्वँमिपिन्सं चिनाखँ ब्वनाः न्यंकूगु खः ।

धेंधें बल्ला कासाय् शिवानी श्रेष्ठ, रेश्मा मगर (खड्गी), सृजना महर्जनपिं छसीकथं न्हाप, ल्यू, लियांल्यू लाःगु खः ।

बुखँ–नेवाः सूचना केन्द्र / किपा–रवि महर्जन

Categorized in नेवाः