nepal life 2076 3 18

Error message

Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

नेपाल आदर्शय् नेवाः संस्कृति, संस्कार तजिलजि ब्वज्या

नेवा: अनलाइन न्युज | २०७६ श्रावण २२, बुधबार २२:२७:३०

‘नेवाः तजिलजि ब्वज्या’ बुधवाः नेपाल आदर्श मा.बि. गणबहालय् नेवाः स्यनामि दबू, नेपाल मण्डलया ग्वसालय् थीथी ब्वनेकुथिया ब्वंमिपिनिगु नितिं ब्वज्या जूगु दु ।

मूपाहाँ शताब्दी पुरुष सत्यमोहन जोशीं उलेज्या यानादीगुखःसा पुलाम्ह प्रधानाध्यापक कृष्ण भक्त मानन्धरया नायःसुइ पुष्प नारायण मानन्धरं ज्याझ्वः न्ह्याकादीगु खः ।

उगु ब्वज्याय् २६ गू ब्वनेकुथिया ब्वंमिपितं नेवाः जातिया तजिलजि जीवननाप स्वापू दुगु तिसावसः, बसजाः, नसात्वंसाज्वलया म्हसीकाया बारय् नेवाः स्यनामिपिसं जानकारी बियादिल ।

नेवातय्सं कुतःयातधाःसा नोवेल पुृरस्कारतकनं कायेफइगु दावी शताब्दी पुरुष जोशीं यानादिल ।

लसकुस न्वचू तयेगु झ्वलय् नेवाः तजिलजि बारे थीथी ब्वनेकुथिया ब्वंमिपिन्त जानकारी बीगु नितिं थुगु ज्याझ्वःया ग्वसाः ग्वयागु खँ स्यनामि दबूया छ्याँजे बरुण वैद्यं कनादिल । अथेहे आःवइगु शैक्षिक सत्रया नितिं दच्छिया दुने च्यागू तगिं तक्कया पाठ्यक्रम दयेकेगु भाला नेवाः स्यनामि दबूयात बिसें उकियात माःगु आर्थिक ग्वाहालि येँ महानगरपालिकांं याइगु खँनं वैद्यं कनादिल ।

नेवाः देय् दबूया नायः नरेश ताम्राकारं थुगु ज्याझ्वः अतिकं च्वछाये बहःगु धासे थःत नेवाः धायेयःपिं तर नेवाः तजिलजि मस्यूपिं थीथी जिल्लाया नेवाःतयेतनं थथेहे थुइका बिइमाःगु खँय बः बियादिल । अथेहे मूज्या नायः मानन्धरं भाषा म्वाःसा जाति म्वाइ, जाति म्वाःसा राष्ट्र म्वाइ धैगु खँय् ब ःबियादिल ।

थुगु ब्वज्या मनूया जनजीवननाप स्वापू दुगु खँ पाहाँपिं मदनसेन बज्राचार्य व डा. चुन्दा बज्राचार्यं कनादिल ।

बुखँ किपा–अमिर मैया रञ्जित,नेवाः सूचना केन्द्र

Categorized in नेवाः