jivan sahara nepal life

नेपालय् सिरिज म्हितीपिं अमेरिकी टोली घोषणा, भारतय् तयारी याइगु

नेवा: अनलाइन न्युज | २०७६ माघ ७, मंगलबार ११:०९:१५

विश्वकप क्रिकेट लिग २ अन्तर्गत नेपालय् थ्वहे माघया लिपांगु वाः जुइगु त्रिकोणात्मक एकदिवसीय सिरिजया नितिं अमेरिकाया टोली घोषणा जूगु दु ।

शौरभ नेत्रभाल्करया कप्तानीइ युएसए क्रिकेटं सोमवाः १४ म्ह दुजःया टोली घोषणा याःगु खः । अथेहे, अमेरिकां नेपाः वयेन्ह्यः भारतया मुम्बईस तयारी तक. याइगु जूगु दु ।

नेपाल, अमेरिका व ओमान दुथ्याइगु सिरिज माघ २२ निसें २९ गतेतक किपूया अन्तर्राष्ट्रिय क्रिकेट मैदानय् जुइगु जूगु दु ।

येँया कन्डिसनय् अभ्यस्त जुइगु नितिं अमेरिकां मुम्बईस तयारी क्याम्प तयेत्यंगु जानकारी ब्यूगु दु । अमेरिकी टिम जनवरी २४ स मुम्बई थ्यनी । गन अमेरिकां मुम्बई क्रिकेट एसोसिएसन ११ लिसे स्वंगू अभ्यास कासा तकं म्हिती ।

कासा मुम्बईया मान्भलीच्वंगु सचिन तेन्दुलकर जिमखाना ग्राउण्डय् जुइ ।

आःतक लिग २ स निगू सिरिज म्हितेधुंकूगु अमेरिका १२ ल्याःलिसें शीर्ष थासय् दु । मुक्कं ८ गू कासा म्हितूबलय् अमेरिकां ६ गू कासा त्याकूगु खः ।

नेपाली टिम धाःसा आः पोखराय् बन्द प्रशिक्षणय् दु । प्रशिक्षणय् २४ म्ह कासामि दु । आः उकिं हे लिपांगु टोली ल्ययेगु ज्या याइ ।

अमेरिकी टिम

शौरभ नेत्रभाल्कर (कप्तान), स्टेभन टेलर, करिमा गोरे, आयन हल्याण्ड, अक्ष होमराज, एलमोर हचिनसन, आरोन जोन्स, नोथुस केन्जिगे, ज्याभिएर मार्सल, मोनाक पटेल, निसर्ग पटेल, तिमिल पटेल, क्यामरुन स्टेभेन्सन, रस्ती थोरन ।

Categorized in कासा