ad 2076 5 18

नेपालय् मार्क्सवाद व एसियाली दर्शनया अन्तर्राष्ट्रिय सम्मेलन जुइगु

नेवा: अनलाइन न्युज | २०७६ भाद्र २, सोमबार १०:३५:२९

‘मार्क्सवाद व एसियाली दर्शन’ नांया अन्तर्राष्ट्रिय सम्मेलन थौं सोमवाःनिसें येँय् न्ह्याइगु जुगु दु । सम्मेलनय् नेपाल, चीन, भारत, अमेरिका, युरोपलिसेंया १२ राष्ट्रया प्रतिनिधिपिं सहभागीपिन्सं सहभागिता क्यनीगु जूगु दु । सम्मेलन मंगलवाःतक न्ह्याइ ।

थौं सोमवाः न्हिनय् २ ता इलय् प्रज्ञा प्रतिष्ठानय् जुइगु उगु सम्मेलनया उलेज्या प्रधानमन्त्री केपी शर्मा ओलीं याइगु ज्याझ्वः तयातःगु दु । उलेज्या सत्र लिपा न्ह्याइगु उगु गोष्ठीइ निगू दर्जन ज्यापौ न्ह्यब्वइगु जूगु दु ।

नेपालय् न्हापांगुखुसि थुज्वःगु सम्मेलन जुइत्यंगु व थुकिं पूर्वीय दर्शन व मार्क्सवादी दर्शनया विषयस तुलनात्मक अध्ययन विश्लेषण याइगु सम्मेलन ग्वसाः खलः समिति कजि प्रा.डा. काशीनाथ न्यौपानें जानकारी ब्यूगु दु ।

Categorized in राष्ट्रिय