swastha 76 12 19

नेपालय् कोरोनाया स्वम्हम्ह संक्रमित लुल

नेवा: अनलाइन न्युज – Rakesh Maharjan | २०७६ चैत्र १२, बुधबार १४:१८:५६

येँ – नेपालय् कोरोना भाइरसं संक्रमण जूम्ह स्वम्हम्ह ल्वगि लूगु दु । स्वास्थ्य मन्त्रालयया प्रवक्तां स्वम्हम्ह संक्रमित लूगु खँया पुष्टि याःगु दु ।

टेकुया शुक्रराज ट्रपिकल व सरुवा रोग अस्पतालय् छ्वःगु नमूना परीक्षणया झ्वलय् कोरोना भाइरस संक्रमण पोजिटिभ लूगु दु । थुम्ह ल्वगियात नं आइसोलेसनय् तयातःगु दु ।

थ्वसिबें न्ह्यः चीन व फ्रान्सं लिहांवःपिं विद्यार्थीतय्‌के कोरोनाया संक्रमण खनेदुगु खः । चीनपाखें वःम्ह संक्रमितया ल्वय् लनाः छेँय् लिहांवनेधुंकूगु दुसा फ्रान्सं लिहांवःम्ह १९ दँया मिसाया अस्पतालय् तयाः वासः जुयाच्वंगु दु ।

आःत नेपालय् मुक्कं ६८७ या नमूना परीक्षण जूगु खःसा ६८४ म्हेसिया रिपोर्ट नेगेटिभ वःगु दु ।

Categorized in राष्ट्रिय