chetrapa55

नेपालभाषा स्टार म्यूजिक भिडियो अवार्डस् २०१९ या भोटिङ्ग कोड पिदन (भोटिङ्ग कोड स्वयादिसँ)

नेवा: अनलाइन न्युज – ललेन्द्र शाक्य | २०७६ मङ्सिर १७, मंगलबार ११:२७:३०

नेपालभाषा संगीत ख्यलय् दकले तःधंगु व यक्व विधाय् अवार्ड लःल्हायेगु कथं जुइत्यंगु नेपालभाषा स्टार म्यूजिक भिडियो अवार्डस् २०१९ या टप टेनय् नोमिनेट जूपिं कलाकःमिपिनिगु भोटिङ्ग कोड सार्वजनिक याःगु दु ।

यलया खोनाय् च्वंगु संसार क्रियसन्सया ग्वसालय् जुइत्यंगु नेपालभाषा स्टार म्यूजिक भिडियो अवार्डस् २०१९ य् मुक्कं २१ गू विधाय् अवार्ड लःल्हायेत्यंगु दुसा संसार लाईफटाईम एचिभ्मेन्ट अवार्ड कथं बरिष्ठ संगीतकःमि अमरराज शर्मायात लःल्हाइगु जूगु दु ।

अथेहे, संसार सप्तरंगी अवार्ड कथं बरिष्ठ निर्देशक कलाकार च्वमि पवन जोशी, बरिष्ठ सिने पत्रकार विजयरत्न असंबरे, ऐतिहासिक नायिका हिसिला महर्जन, आदिवासी जनजाति महानायक जय श्रेष्ठ, बरिष्ठ संगीतकःमि जुजुकाजी रंजित, बरिष्ठ मेकअप आर्टिष्ट सनमकुमार श्रेष्ठ, बरिष्ठ संगीतकार मनराजा नकःमियात लःल्हाइगु जूगु दु ।

अथेहे संसार मल्टिप्रपोज अवार्ड कथं नेवाः अनलाईनन्यूजया सम्पादक पत्रकार ललेन्द्र शाक्ययात लःल्हाइगु जूगु दु ।

थुगु नेपालभाषा स्टार म्यूजिक भिडियो अवार्डस् २०१९ या नितिं ५७ पू म्यूजिक भिडियो दर्ता जूगु खःसा आः मंसीर २८ गते थुगु अवार्डया प्रमोटया नितिं यलया खोनाय् च्वंगु ज्ञानोदय स्कूलया मैदानय् आर्टिष्ट फुटलब म्याच जुइगु जूगु दु ।

(स्वयादिसँ टप १० नोमिनेशनय् लाःपिनिगु भोटिङ्ग कोड) :

Categorized in कला