ad 2076 5 18

नेपालभाषा मिसा खलःया नीगुक्वःगु बुदिं हन

नेवा: अनलाइन न्युज | २०७६ भाद्र ७, शनिबार २२:०१:०३

नेपाःया संस्कार मातृ प्रधान खःसानं पितृसतात्मक सामन्ति संस्कारया बिकासं जुयाच्वंगु महिला हिंसा, उत्पिदन ब्वलना वंगुलिं मिसा स्वतन्त्रता, समानता नापनापं थःगु अधिकारया नितिं सःथ्वयेकेगु नितिं स्वनातःगु नेवाः मिसा खःलया नीस्वक्वःगु दँमुँज्या नापं शताब्दी पुरूष सत्यमोहन जोशीयात सच्छिदँ क्यंगु लसाताय् म्हिगः तःजिक हनाबना ज्याझ्वः जुगु दु ।

लक्ष्मी दास मानन्धरया मूपाहाँ कथं झायादीगु उगु मुँज्याय् संस्थाया नायः मंगला कारंजितया नायःसुइ प्रेम हिरा तुलाधरं ज्याझ्वः न्ह्याकादीगु खः ।

ज्याझ्वलय् नेवाः देय् दबूया नायः नरेश ताम्राकार, परराष्टविद् हिरणय लाल श्रेष्ठ, नेपालभाषा परिषदया नायः सुर्वण शाक्य पिसं नुगःखँ दयादीगु खः । नुगः खँ तयेगु झ्वलय् शाक्यं नेपालभाषा थासंथासय् ब्याकायंकेगु वा न्हूगु पुस्तायात स्यनेगु ज्या मिजंतय्सं नं यायेमाः, मिसापिसं अझ अप्वः यायेफइगु नापं ह्वःताः चूलाइगु जूगुलिं मिसापिसं यक्व मेहेनत यायेमाःगु खँ कनादिल । मिस्त ब्याहायाना छथासं मेथाय् वना जीवन हनेगु चलन दुगुलिं थःवंवंथाय् थःगु भाषा संस्कृतियात ब्याकायंके फइगु दसु भृकुतीं क्यनाब्यूगु कनादिल ।

बुखँ–नेवाः सूचना केन्द्र किपा–राजेन्द्र रञ्जित
   


Categorized in नेवाः