telecom 18 kartik 2076

नेपालभाषा परिषद्या झिंन्याक्वःगु दँमुँज्या क्वचाल

नेवा: अनलाइन न्युज | २०७६ आश्विन ३०, बिहिबार २२:०२:३०

थौं स्वयां न्हयःदँ न्ह्यः कविकेशरी चित्तधर हृदयनं नीस्वनातःगु नेपालभाषा परिषद्या झिंन्याक्वःगु दँमुँज्या बिहीवाः प्रतिभा समाज कुपण्डोलय् क्वचाःगु दु ।
परिषद्या नायः प्रा। सुवर्ण शाक्यया नायःसुइ बिमलप्रभा बज्राचार्य न्ह्याकादीगु ज्याझ्वलय् ध्रुब मधिकःमिं लसकुस नापं वार्षिक प्रतिवेदन न्ह्यब्वयादिलसा दांभरिं मंगला कारंजितं ल्याःचाःया आर्थिक प्रतिवेदन न्ह्यब्वयादीगु खः ।
उगु ज्याझ्वलय् झीसं मनूं मदयेधुंकाः बिचा हायेकेगु प्रवृत्तियात त्वताः दुबलय्हे बिचाःसचा यायेमाःगु खँ तुलसी साय्मिं सुझाव बियादिल । नुगःखँ तयेगु झ्वलय् ७० दँ पुलांगु संस्थाय् थौंतक्कनं ७० म्ह जक जः दुगुलिं भाषा साहित्यया विकासया नितिं धिसिलाक्क पलाःछिइपि न्हूपिं जः दुथ्याकेमाःगुलिइ मंगला कारंजितं बः बियादिल । अथेहे ‘दुने क्वात्तु मजुइकं पिनें प्रचार जुयां शक्ति सञ्चय जुइमखु’ धासें दँय्दसं सांस्कृतिक अन्यौलता ब्वलनाच्वंगुलिं नेवाः तिथिपौ दयेकाः नेवाः एकता यायेमाःगु नायः शाक्यं धयादिल ।
बुखँः अमिर मैया रञ्जित , किपाः नेवाः सूचना केन्द्र

Categorized in नेवाः