telecom 18 kartik 2076

नेपालभाषा एकेदेमि भजन शिरोमणि किरण शाक्ययात दान्यहिरा सिरपाः लःल्हाइगु

नेवा: अनलाइन न्युज | २०७६ आश्विन २९, बुधबार १३:०३:१०

नेपालभाषा एकेदेमिया संयोजनय् नीस्वनातःगु दान्यहिरा सिरपाः नेपालभाषा ख्यलय् भजन शिरोमणि, लय् चिनामि व म्येहालामि किरण शाक्ययात थुगु दँय् लःल्हाइगु जूगु दु ।
अथेहे, दान्यहिरा हःपाः सिरपाः म्येच्वमि बंशीधर बज्राचार्य, लय् चिनामि गोविन्द ह्यूमत व म्येहालामि पवित्र कसाःयात लःल्हाइगु जूगु दु ।
वइगु कार्तिक ५ गते मंगलवाः न्हिनसिया १ः३० ता इलय् यलया अशोक पार्टी प्यालेसय् उगु ज्याझ्वः जुइत्यंगु दु ।
भाजु यज्ञरत्न धाख्वाःपाखें नीस्वनादीगु दान्यहिरा सिरपाः नेपालभाषा साहित्य व संगीत विधाय् योगदान याःपिन्त दँय् दसं लःल्हानाः वयाच्वंगु खःसा थुगु दँय् झिंखुक्वःगु सिरपाः कथं लःल्हायेत्यंगु खः ।
सिरपाःया राशी कथं दान्यहिरा सिरपाःया राशी न्ययद्वः, दान्यहिरा हःपाः सिरपाः नं न्ययद्वः खःसा स्वम्हेसित म्हतिं म्हतिं इनेबलय् छम्हेसित झिंन्हयद्वः तकाया दरं लःल्हाइगु जूगु दु ।
अथेहे, उगु सिरपाः दान्यहिरा सिरपाः लःल्हायेगु ज्याझ्वलय् दँय् दसंथें तुं सिरपाःया दाता यज्ञरत्न धाख्वाःया हिराया मू व द कोर्ड नांया बाखं सफू नं पितब्वज्या जुइगु ज्याझ्वः तयातःगु दु ।

Categorized in नेवाः