ad 2076 5 18

नेपाःयात ब्यूगु ‘उपविजेता’ पदक लितकाल

नेवा: अनलाइन न्युज | २०७६ श्रावण १२, आइतबार १४:४७:२६

कासामिया पीडा, ग्वसाःखलःया गल्ती

सिंगापुरय् नेपाली क्रिकेट पुचः पीडाय् लाःगु दु । ग्वसाः खलः सिंगापुरलिसे ८२ रनं बुइधुंकाः नेपाः टी–२०  विश्वकपया ग्लोबल छनोटय् थ्यंकेमफुत । थ्व नेपाःया पुचःया नितिं तःधंगु झड्का जुल ।

मेगु झ्डका उगु इलय् जुल, गुबले उपविजेताया पदक नं लितकाल ।

ग्वसाःखलकं सुरुइ नेपाःयात उपविजेता घोषणा यासें फुक्क कासामिपिन्त मेडल लःल्हाःगु खः । सुरुइ अविनाश बोहोरा वन, वधुंकाः कप्तान पारख खड्का । मेपिन्सं पालंपाः उपविजेताया मेडल लःल्हानाकाःगु खः ।

वधुंकाः विजेता सिंगापुरया कासामिपिनत मेडल लःल्हाःगु खः । सिंगापुरया कासापिपिन्सं ट्रफी ल्ह्वन ।

जब नेपाःयात उपविजेताया ट्रफी बिइगु ई वल, नेपाःया कासामिपिन्सं ककुइ क्वखानातःगु मेडल नं लितकाल ।

समान ४–४ ल्याः जूसां नं कतार रन रेटया आधारय् न्ह्यःने लाःगु नेपाल स्वंगूगु थासय् लाःगु घोषणा याःगु खः ।

नेपाली कासामिपिनिगु मेडल टिम म्यानेजर रमन सिवाकोटीं एकमुष्ट लितब्यूगु खः ।

नेपाःयात उपविजेता घोषणा यासें कासामिपिन्त मेडल क्वखायेकूगु ग्वसाः खलःया गल्ती खः ।

ग्वसाः खलकं गल्ती विश्वकपया ग्लोबल छनोटय् थ्यंकेमफूगु पीडाय् नेपाली कासामिपिन्त स्यानाच्वंगु घालय् मल्ताचि हाःयायेथें सावित जुल ।

Categorized in कासा