ad 2076 5 18

नेपाःमि मिसा फुटबल पुचःयात विदाई

नेवा: अनलाइन न्युज | २०७६ भाद्र १८, बुधबार १६:३९:५६

कीर्गिस्तानय् जुइगु नदेजहदा कप म्हितीपिं नेपाःमि मिसा फुटबल पुचःयात विदाई याःगु दु ।

अखिल नेपाल फुटबल संघ (एन्फां) थौं बुधवाः मिसा पुचःयात विदा याःगु खः ।

कासाय् ग्वसाः खलः कीर्गिस्तानलिसें नेपाल, उब्जेकिस्तान व ताजिकिस्तान दुथ्याःगु दु ।

भाद्र २० गतेनिसें २७ गतेतक जुइगु उगु कासायात नेपालं १३ क्वःगु दक्षिण एसियाली खेलकुद कासा (साग)या तयारीया रुपं काःगु दु ।

नेपाःमि पुचः

गोलकिपर– एञ्जिला तुम्बापो सुब्बा, अञ्जना रानामगर ।

डिफेन्डर– हिराकुमारी भुजेल, गिता राना, पुनम जर्घामगर, अमृता जैसी, कविता धिमाल ।

मिडफिल्डर– मञ्जलीकुमारी योञ्जन, रेनुका नगरकोटी, अनिता बस्नेत, इन्दिरा राई, विमला चौधरी, दिपा राई, सरु लिम्बु ।

फरवार्ड– निरु थापा (कप्तान), सावित्रा भण्डारी, अनिता केसी, रेखा पौडेल ।

Categorized in कासा