ad 2076 5 18

नेकपाया नेताया गाडीइ मिँ तल

नेवा: अनलाइन न्युज | २०७६ भाद्र २४, मंगलबार १५:०७:१६

कैलालीइ नेपाल कम्युनिष्ट पार्टी (नेकपा)या छम्ह स्थानीय नेताया गाडीइ अज्ञात पुचलं सोमवाः चान्हय् मिँ तःगु दु ।

घोडाघोडी नगरपालिका  सुन्दरपुरय् गौरीप्रसाद जोशीं थःगु छेँ न्ह्यःने पार्किङ यानातःगु बा९च ६५९७ ल्याःया स्कारपियोय् मिँ तयाः च्याकाब्यूगु खः । जोशी नेकपाया जिल्ला तहया नेता खः ।

सोमवाः चान्हय् थ्यंमथ्यं १२ ता इलय् अज्ञात पुचलं जोशीया छेँ न्ह्यःने पार्किङ यानातःगु स्कारपियोय् मिँ तःगु जिल्ला प्रहरी ज्याकुथि कैलालीया प्रवक्ता प्रहरी नायब उपरीक्षक दक्षकुमार बस्नेतं जानकारी ब्यूगु दु ।

मिँपाखें गाडीया न्ह्यःनेया ब्वय् क्षति जूगु दु ।

मिँ च्याःगु थासय् छुं नं संगठनया पर्चा पम्पलेट छुं नं लुयामवःगु व आःतक घटनाया सुनानं जिम्मा मकाःगु हुनिं व्यक्तिगत रिसिबीया हुनिं मिँ तःगु जुइफूगु डिएसपी बस्नेतं धाःगु दु ।

 

Categorized in दुर्घटना-अपराध