nepal lifef 2076 8 8

नेकपां न्हूदँया न्हि खुन्हु बसन्तपुलिइ वनेत कार्यकर्तायात निर्देशन बिल

नेवा: अनलाइन न्युज – ललेन्द्र शाक्य | २०७६ आश्विन १७, शुक्रबार १६:५३:०६

नेपाल कम्युनिष्ट पार्टी (नेकपा)या येँ महानगरया सकल नेता कार्यकर्ता समर्थक सुभेच्छुकपिन्त कार्तिक १२ गते सुथय् ७ बजे नेपाल सम्बत ११४० न्हूदँ क्यनिगु लसताय् येँया बसन्तपुलिं न्ह्याइगु साँस्कृतिक ¥यालीइ ब्वति कायेत निर्देशन ब्यूगु दु ।

म्हिग: जूगु नेकपाया येँ महानगर कमिटीया अगुवा कार्यकर्ता भेलाय् येँ जिल्ला इन्चार्ज साबित्रा भुसालं थुकथं निर्देशन वियादीगु खः ।

नेतृ भुसालं पार्टी केन्द्रीय समितिया ग्वसालय् बिजया दशमि, नेपाल संबत ११४०, स्वन्ति व छठया लसताय् असोज २९ गते भृकुति मण्डपय् जुइगु भिन्तुना कालबिल व चियापानय् नं ब्वति कायेत सकलसित इनाप याःगु दु ।

भेलां नेपाल सम्बत् ११४० न्हूदँ समारोह समिति निस्वनेगु निर्णय नं याःगु दु ।

भेलाय् प्रदेश सभा दुजःपिं बसन्त मानन्धर, नारायण सिलवाल, पार्टी जिल्ला नायः हिमाल शर्मा, महानगर कमिटीया नायः निर्मल देउलां नुगः खँ प्वंकुगु खः ।

 

Categorized in राजनीति