nepal lifef 2076 8 8

निदँ लिपा हाकनं हलिंया दकले धनीम्ह मनू बिल गेट्स जुल

नेवा: अनलाइन न्युज | २०७६ मङ्सिर १, आइतबार ११:३३:५४

माइक्रोसफ्टया सह–संस्थापक ६४ दँया बिल गेट्स निदँ लिपा हाकनं विश्वया हे दकले धनीम्ह मनू जुइत ताःलाःगु दु । सन् २०१७ या अक्टोबरय् गेट्सयात लिपा लाकूम्ह ५५ दँया जेफ बेजोस शुक्रवाः निगूगु नम्बरय् क्वाहाँ वःगु खः । गेट्सया मुक्कं सम्पत्ति ११० अर्ब डलर दुसा अथेहे बेजोसया मुक्कं सम्पत्ति १०९ अर्ब डलर दु ।

हलिंया धनीपिं न्याम्ह :

१. बिल गेट्स, माइक्रोसफ्ट (अमेरिका) – ११० अर्ब डलर
२. जेफ बेजोस, अमेजन (अमेरिका) – १०९ अर्ब डलर
३. बर्नाड अरनाल्ट, एलवीएमएच (फ्रान्स) – १०३ अर्ब डलर
४. वारेन बफे, वर्कशायर हैथवे (अमेरिका) – ८६.६ अर्ब डलर
५. मार्क जकरवर्ग, फेसबुक (अमेरिका) – ७४.५ अर्ब डलर

स्रोत : नेटवर्थ ब्लूमबर्ग बिलेनियर इन्डेक्स

माइक्रोसफ्टया शेयरय् लिपांगु दिं व:गु बढावं गेट्सयात फाइदा जूगु खः । अमेरिकी रक्षा विभागं २५ अक्टोबरय् माइक्रोसफ्टयात १० अर्ब डलरया क्लाउड कम्युटिङया करार बिइगु घोषणा याःगु खः । वधुंकाः माइक्रोसफ्टया शेयरय् ४ प्रतिशतं बुद्धि जूगु खः । थुगु दौरान अमेजनय् शेयरय् २ प्रतिशतं गिरावट वःगु खः । माइक्रोसफ्टया शेयरय् थुगु दँ ४८ प्रतिशतं वृद्धि जुइधुंकूगु दु ।

जेफ बेजोसं थः पुलांम्ह कलाः क्याकेन्जीलिसे सम्बन्धविच्छेदया घोषणा जनवरीइ याःगु खः । अप्रिलय् जूगु सेटलमेन्ट कथ. बेजोसं थःगु शेयरया २५ प्रतिशत म्याकेन्जीयात ब्यूगु खः ।

म्याकेन्जीया शेयरया आः मू ३५ अर्ब डलर दु । थ्व सेयर बेजोसयाके दुगु वया मुक्कं सम्पत्ति १४४ अर्ब डलरया जुइ । व, आः नं हलिंया धनी व्यक्ति जुइ ।

थुखे, गेट्सं नं सन् १९९४ निसें परोपकारया ज्याय् दान बियाः वयाच्वंगु दु । विल एण्ड मिराण्डा गेट्स फाउण्डेशनं वं परोपकारया ज्याय् ग्वाहालि यानाः वयाच्वंगु दु । वं आःतक दान ब्यूगु रकम मुंकेगु खःसा गेट्सया सम्पत्ति १४५ अर्ब डलर जुइगु धाःगु दु ।

Categorized in अन्तर्राष्ट्रिय