telecom 18 kartik 2076

नक्कली फेसबुक अकाउन्टप्रति मुख्यमन्त्रीया ध्यानाकर्षण

नेवा: अनलाइन न्युज | २०७६ आश्विन १२, आइतबार १४:३६:१५

कर्णाली प्रदेशया मुख्यमन्त्री महेन्द्रबहादुर शाहीया नामं नक्कली फेसबुक अकाउन्ट चायेका: चरित्र हत्या यायेगु कुतः जुयाच्वंगुलिं मुख्यमन्त्री व मन्त्रिपरिषदया ज्याकुथिं थःपिनिगु ध्यानाकर्षण जूगु जानकारी ब्यूगु दु ।

मुख्यमन्त्री शाहीया प्रमुख स्वकीय सचिव खेमबहादुर सिंहं थौं आइतवाः छगू प्रेस वक्तव्य सार्वजनिक यासें उगु नक्कली फेसबुक अकाउन्टया भ्रमय् मच्वनेत आग्रह याःगु दु ।

स्वकीय सविच सिंहं सार्वजनिक याःगु वक्तव्यय् धयातःगु दु, “सामाजिक संजालया दुरुपयोग याानाः माननीय मुख्यमन्त्रीजुया चरित्रहत्या यायेगु व थःगु व्यक्तिगत स्वार्थ पूवंकेगु आज्जुया लिसें नक्कली आइडीपाखें थीथी व्यक्ति व निकायस च्याट सम्पकृपाखें अवाञ्छित निर्देशन व मार्ग यायेगु यानाच्वंगु सीदूगु दु, थुज्वःगु क्रियाकलापया भ्रमय् मच्वनेत सरकारी व गैरसरकारी निकाय, शुभचिन्तक व आम जनसमुदायपिन्त इनाप यानाच्वना ।”  

स्वकीय सचिवालयं नक्कली फेसबुक आइडी छ्य:म्ह मनू म्हसीका कानूनी कारवाहीया प्रक्रिया न्ह्यःने यंकेत सम्बन्धित निकायस जानकारी बिइधुनागु जानकारी ब्यूगु दु ।

मुख्यमन्त्रीया व्यक्तिगत फेसबुक अकाउन्टया लिंक महेन्द्र डट शाही डट १६५ जूगुलिं थ्वबाहेक वय्क:या नां स्वाना: चलेयानातःगु मेमेगु आइडीया विश्वास मयायेत आग्रह याःगु दु ।

Categorized in बजाः