telecom 18 kartik 2076

धु मुक्त अभियानय् अवरोध मयायेत मेयर शाक्यया इनाप

नेवा: अनलाइन न्युज – निश्चल | २०७६ आश्विन २०, सोमबार १५:२१:५०

येँ महानगरपालिकाया मेयर विद्यासुन्दर शाक्यं धु मुक्त शहरया नितिं खुलामञ्चया अस्थायी बसपार्कय् अस्थायीरुपय् न्हयाकाःगु कालोपत्र यायेगु ज्याय् अवरोध याःगुलिं दुःख प्वंकादिगु दु ।
वयकलं उगु लागाय् तच्वकं धु ब्वःगुलिं कालोपत्र व ढलानया ज्याय् जनप्रतिनिधि पिनीगु उपस्थितिमा अवरोध यायेगु ज्या  दुःखद जुगु खँ धयादिगु दु ।

सांसद भीमसेनदास प्रधान, येँ महानगरपालिकाया उपप्रमुख हरिप्रभा खड्गी व वडा नं २८ या वडाध्यक्ष भाइराम खड्गीया उपस्थितिइ आइतबाः उगु ज्याय अवरोध याःगु खः ।

चिनियाँ राष्ट्रपति सी चिनफिङया नेपाल भ्रमणया तयारीया झ्वलय् येँया मूमू लागाग् सजावट व कालोपत्र यायेगु झ्वलय् खुलामञ्चया बसपार्कय् नं कालोपत्र याःगु खः ।
डेङ्गुया आशङ्कामा अस्पतालय् वासः याकाच्वम्ह मेरय शाक्यं थःपिन्सं उपप्रमुख नाप सहलह यानाः अस्थायी रुपय् कालोपत्र यायेगु प्रक्रिया न्ह्यःने यकेत धइगु खँ धासें थथे अनावश्यक रुपय् राजनीति यायेगु ज्या थःपिंन्त दुःख जुगु खँ रासस लिसें खँल्हासें उगु खँ धयादिगु खः ।

Categorized in स्थानिय-समाज