jivan sahara nepal life

देसया उद्यमीपिन्त उत्थानया नितिं नेपाल इन्भेष्टमेन्ट बैंक

नेवा: अनलाइन न्युज – ललेन्द्र शाक्य | २०७६ फाल्गुण २, शुक्रबार १३:१३:३९

नेपाल इन्भेष्टमेन्ट बैंकं समाजय् बचतया बानी सहज यायेगु आज्जु लिसें ९.२५ प्रतिशत ब्याजदर लिसेंया क्रमिक मुद्दती निक्षेप (रिकरिङ फिक्स्ड डिपोजिट) संचालनय् हःगु दु । उगु क्रमिक मुद्दती निक्षेपय् ग्राहकपिन्सं न्युनतम ३३ महिने अवधिया नितिं न्युनतम ३३३ तका दां क्रमिक निक्षेप जम्मा यानाः उच्च ब्याजदर कयाच्वंगु दु ।

बैंकया ३३ क्वःगु वार्षिकोत्सवया लसताय् हःगु उगु निक्षेप योजना अप्वःगु वित्तीय सचेतनालिसें बजारय् स्थापित जुजुं वनाच्वंगु दु ।

थ्वबाहेक अंग्रेजी न्हूदँया लसताय् नेपाल इन्भेष्टमेन्ट बैंकं हरित पहल अभियान अन्तर्गत ग्रीन डबल फिक्स्ड डिपोजिट (जीडीएफडी) हःगु खः । उगु योजनापाखें मु.कूगु निक्षेपत दिगो, वातावरणमैत्री हरित परियोजनातय्के लगानी याःगु हुनि उगु योजनां निक्षेपकर्तापिं दथुइ लोकप्रियता कमेयानाच्वंगु दु ।

थ्प, उगु योजना अन्तर्गत दिगो भविष्य सुनिश्चित जुइगु लिसेलिसें व्यक्तिया निक्षेप नं ७.५ दँय् दोब्वर जुइ । थ्व योजना अन्तर्गत मुंकूगु निक्षेप इको–लोनपाखें हरित परियोजनातय्के लगानी याइ, गुकी दच्छिया नितिं निश्चित वार्षिक १०.५० ब्याजदर कायम याःगु दु ।

थुकिया लिसें नेपाल इन्भेष्टमेन्ट बैंकं देसया उद्यमीपिन्त उत्थान यायेगु आज्जुइ केन्द्रीत जुयाः दच्छिया नितिं निश्चित ९.९९ प्रतिशत ब्याजदरया ‘साना तथा मझौला उद्यमी’ (एसएमई) कर्जा नं हःगु दु ।

स्थानीय स्तरय् रोजगारी ब्वलंकेगु लिसें मुलुकय् उद्यमशीलता अप्वयेकाः देसया आर्थिक मापदण्डय् सकारात्मक हिउपाः हयेत प्रत्यक्ष योगदान याइगु एसएमई कर्जाया आज्जु खः । थुकिया लिसें देसया विद्यमान कृषि क्षेत्रया आधारयात ग्वाहालि यायेगु व वर्तमान आर्थिक परिप्रेक्षय् थुकियात प्रबर्द्धन व आधुनिकीकरण यायेगुलि केन्द्रीत जुयाः दच्छिया नितिं निश्चित वार्षिक १०.५० प्रतिशतया ब्याजदरय् उत्पादनशील कृषि क्षेत्रय् बिइगु कथं कर्जा योजना नं बैंकं न्ह्यःने हःगु दु ।

Categorized in बजाः