telecom 18 kartik 2076

दाङं विप्लवया दाजु चन्द्रबहादुर चन्द गिरफ्तार

नेवा: अनलाइन न्युज | २०७६ आश्विन ३०, बिहिबार १२:२७:५७

नेपाल प्रहरीं दाङय् न्ह्याकुगु अपरेशनया झ्वलय् गिरफ्तारीइ लाःम्ह नेत्रविक्रम चन्द विप्लव पुचःया नेतात मध्ये मध्यपश्चिम ब्यूरो कमाण्ड इञ्चार्ज चन्द्रबहादुर चन्द (बीरजंग) नं लाःगु सीदूगु दु ।

५ नम्बर प्रदेश प्रहरी ज्याकुथि व जिल्ला प्रहरी ज्याकुथि दाङपाखें खटेजूगु पुचलं राप्ती ब्यूरो बैठकय् छापा मारेयाःगु खः । अनं महत्वं जाःगु दस्तावेजलिसें २१ म्ह नेतायात गिरफ्तार याःगु प्रदेश प्रहरीया प्रवक्ता डिएसपी नवराज पाखरेलं धाःगु दु ।

पोखरेलं गिरफ्तारी लाःपिनिगु नां धलः मवःनिगु धाःगु दु । अय्सां, जिल्ला प्रहरी ज्याकुथि दाङया छम्ह अधिकृतं गिरफ्तारीइ लाःगुलि चन्द्रबहादुर नं लाःगु पुष्टि याःगु दुसा चन्द्रबहादुर पार्टी महासचिव नेत्रविक्रम चन्द विप्लवया दाजु खः । वलिसें गिरफ्तारीइ लाःपिं केन्द्रीय दुजः व राप्ती ब्यूरो इञ्चार्ज सुवास बाँठा, युवा संगठनया केन्द्रीय नायः पाटन जंगली लिसेंयापिं खः ।

आः गिरफ्तारीइ लाःपिन्त जिल्ला प्रहरी ज्याकुथि दाङपाखे यंकूगु दु ।

Categorized in राजनीति