telecom 18 kartik 2076

दाङं गिरफ्तारीइ लाःपिं विप्लवया २१ म्ह नेताया नां सार्वजनिक

नेवा: अनलाइन न्युज | २०७६ आश्विन ३०, बिहिबार १४:१६:५६

नेपाल प्रहरीं वंगु चान्हय् दाङंया राजपुर गाउँपालिका–४ य् न्ह्याकूगु अपरेशनया झ्वलय् गिरफ्तारीइ लाःपिं २१ म्हेसिगु नां सार्वजनिक याःगु दु ।

अनुसन्धानय् खटेजूपिं प्रदेश ५ प्रहरी ज्याकुथि व जिल्ला प्रहरी ज्याकुथि दाङं गिरफ्तार याःपिनिगु नां सार्वजनिक याःगु खः ।

गिरफ्तारीइ लाःपिं प्रतिबन्धित विप्लव पुचःया महासचिव नेत्रविकक्रम चन्द विप्लवया दाजु लिसें विप्लव पुचःया केन्द्रीय दुजः व लुम्बिनी ब्यूरो इञ्चार्ज व मध्यपश्चिम कमाण्ड इञ्चार्ज चन्द्रबहादुर चन्द (वीरजंग)लिसें राप्ती ब्युरो इञ्चार्ज केशव बहादुर बाँठा मगर (सुवास), राप्ती ब्युरोका न्याय विभाग समिति जिल्ला संयोजक रामबहादुर थापा (सुन्दर), कार्यालय सचिव सविन पोख्रेल, जिल्ला इञ्चार्ज यमलाल कटुवाल (विक्रम), जिल्ला सेक्रेटरी प्रदीप वली, युवा संगठन नेपालका केन्द्रीय अध्यक्ष बबिन केसी (पाटन, जंगली), बुद्धिजीवि सुनिल पौडेल र क्षेत्र नं. ४ इञ्चार्ज एवं जिल्ला जनपरिषद् सदस्य एकराज चौधरी नं गिरफ्तारीइ लाःगु खः ।

अथेहे, क्षेत्र नं. १ इञ्चार्ज एवं राजपुर गाउँपालिका सेक्रेटरी धनबहादुर बोहोरा (महान), पूर्वजनमुक्ति सेना तिलक पुन, दलित राष्ट्रिय मुक्ति मोर्चाका जिल्ला अध्यक्ष सुरज विक, सदस्य हितप्रसाद रोका, रोल्पा सदस्य पोष्टमान घर्ती, दलबहादुर घर्ती, अमित घर्ती मगर, बालकृष्ण शर्मा, जीत क्षेत्री, रमेश आचार्य, कुलबहादुर वली व विष्णु थापा गिरफ्तारीइ लाःगु खः ।

इमित प्रहरीं जिल्ला प्रहरी ज्याकुथि, दाङय् यंकूगु खः । पुचःया राप्ती ब्यूरो बैठकय् घेराबन्दी यानाः प्रहरीं २१ म्हेसित गिरफ्तार याःगु खः । वहे इलय् महत्वं जाःगु दस्तावेज, ल्वाभः, चन्दा मुंकातःगु रसिद लिसेंया हलंज्वलं नं बरामद याःगु खः ।

Categorized in राजनीति