दशरथ रंगशाला पुनःनिर्माण ज्या क्वचाइन
नेवा: अनलाइन न्युज | २०७६ मङ्सिर १०, मंगलबार १५:२५:४८
२०७२ बैशाखं ब्वःगु तःभुखाचं क्षतिग्रस्त जूगु येँया त्रिपुरेश्वरय् च्वंगु दशरथ रंगशालाया पुनःनिर्माण लिपांगु चरणय् थ्यंगु दु । रंगशालाया भीआइपीपाखे छुं भाथय् पौ तयेगु जक ल्यं दनि ।
रंगशालाया ज्या पूमवंनिसां नेपाली फुटबल टोली अभ्यासया नितिं थ्यंकूगु दु । रंगशाला इलय् हे पुनःनिर्माण मजूबलय् व देय् दुने मेमेगु मैदान अन्तर्राष्ट्रिय मापदण्डया मजूबलय् नेपालं घरेलु मेदानय् म्हितेखनीगु कुवेतविरुद्धया म्याच तटस्थ भूमि भूटानय् म्हितेमाःगु खः ।
२०७२ बैशाख १२ गतेया भुखाय् लिपा क्षति जूगु रंगशालाय् प्यदँ त्याः दँ लिपा दुहाँ वनेखनाः फुटबल कासामिपिं लय् लय् ताःगु दु । राजधानी स्वनिगलय् दूगु छगू जक रंगशालाया विकल्प मदुगुया पीडा कासामिं भोगेयानाच्वंगु दु । नियमित अभ्यास नं बालांक्क याये खनाच्वंगु मदु ।
कासा सुरु जुइगु छुं दिं जक ल्यंदुबलय् रंगशालाय् अभ्यास कासा म्हितेखंगु कासामिया नितिं लसताया खँ जुल । घरेलु मैदानय् देसयात पदक बिइकेगु आजजुया लिसें कासामिपिं मैदानय् क्वाहाँ वइगु आशा याःगु दु ।
Photo Source: FB
