chetrapa55

थौं नेपाल व बंगलादेशया फुटबल

नेवा: अनलाइन न्युज | २०७६ मङ्सिर २२, आइतबार ०९:३६:१३

फाइनलय् थ्यंकेत नेपालं बराबरी कासा जक म्हितूसा गाः

१३ क्वःगु दक्षिण एसियाली खेलकुद (साग) अन्तर्गत मिजं फुटबलपाखे लिग चरणया लिपांगु कासाय् थौं आइतवाः नेपाल व बंगलादेश म्हितीगु जूगु दु । कासा दशरथ रंगशालाय् सनिलया ५ ता इलय् सुरु जुइगु जूगु दु ।

फाइनल थ्यंकेत निगुलिं टिमया नितिं थौं आइतवाःया कासा महत्वं जाःगु कासा जुइ । नेपालं बराबरी जक म्हितूसां नं फाइनल थ्यनीगु जूगु दुसा बंगलादेशं धाःसा फाइनलय् थ्यंकेत त्याके हे माःगु जूगु दु ।

नेपालं बंगलादेशयात बुकूसा लिगया शीर्ष थासय् च्वनाः फाइनल थ्यनी । भुटान प्यंगू कासापाखें ९ अंक मुंकाः थ्वसिबें न्ह्यः फाइनल थ्यंके धुंकूगु दु ।

नेपालया स्वंगू कासापाखें ७ अंक दुसा बंगलादेया समान कासापाखें ४ अंक दु । बंगलादेश त्याःसा नेपाललिसे समान अंक जुइ तर हेड टु हेड लागु जुइगु जूगुलिं बंगलादेशयात फाइदा जुइ ।

लिपांगु इलय् भारत मवयेधुंकाः मिजं फुटबलय् न्यागू टिमं राउण्ड रोविन लिगय् धेंधेंबल्ला याःगु खः ।

Categorized in कला