नेवा: अनलाइन न्युज – विजयरत्न | २०७६ आश्विन ५, आइतबार १२:२५:२९

नेवाः अन्तर्राष्ट्रिय फोरम जापानया ग्वसालय् जापानय् थौं आइतवाः नेवाः संकिपा ‘पानवती’ क्यनीगु जूगु दु ।

नेवाः संकिपा ख्यलय् छगू बांलाःगु संकिपा कथं कयातःगु पानवती संकिपाया निर्देशक सुरेन्द्र तुलाधार खःसा थौंकन्हय् तुलाधर थ्वहे संकिपा क्यनेगु नितिं जापानय् वनाच्वंगु दु ।

जापानय् थुकथ. सार्वजनिक रुपं क्यनेत्यंगु पानवती न्हापांगु नेवाः संकिपा जुइत ताःलाःगु दु ।

जापानया टोकियो सहरया मेगुरो कुमिन सेन्टरय् क्यनीगु पानवती संकिपा स्वयेत अन च्वनाच्वंपि. नेवाःत तसकं उत्सुक जुयाच्वंगु खँ पानवती संकिपाया च्वमि व निर्देशक सुरेन्द्र तुलाधरं जानकारी ब्यूगु दु ।

थौं आइतवाः जापानय् ई कथं ६ः१५ ता इलय् क्यनीगु जूगु दु ।

थुगु पानवती संकिपाय् सनम शाक्यं पानवतीया मेन रोल म्हितातःगु दुसा मेपिं कलाकारपिं विनोद श्रेष्ठ, भोगेन्द्र मानन्धर, सोनिका प्रजापति, हृदयप्रसाद मिश्र, हरिमान दिवाकरया लिसेलिसें नेवाः संकिपा ख्यःया लोकंह्वाःपिं स्टारपिं आशिष्मा नकःमि, भिन्तुना जोशी व राजु महर्जनलिसेंया आपालं कलाकारपिन्सं अभिनय यानातःगु दु ।

Categorized in कला