ad 2076 5 18

थौं कृष्ण जन्मास्तमि (किपाः)

नेवा: अनलाइन न्युज | २०७६ भाद्र ६, शुक्रबार ११:०८:०१

किपाः रमेश शाक्य

दँय् दसं भाद्र कृष्ण अस्तमिया दिं न्यायेकगिु कृष्ण जन्मास्तमि पवृ थौं तःजिक न्यायेकाच्वंगु दु ।

ज्ञानयोग, कर्मयोग व भक्तियोगया प्रणेता कथं कयातःम्ह कृष्णया जन्म द्वापरयुगया लिपांगु इलय् भाद्रकृष्ण अस्तमिया सब्बु चान्हय् जूगु लुमन्तिय थौंया दिं कृष्ण जन्मास्तमि पर्व न्यायेकीगु यानाः वयाच्वंगु खः ।

दुर्जनया विनाश यानाः सज्जनया रक्षाया नितिं विष्णुयाच्यागूगु गर्भया रुपं कृष्णया जन्म जूगु धमउशास्त्रतय्के न्ह्यथनातःगु दु ।

कृष्णया पाजु क.सया अत्याचार. मानव जातियात मुक्ति बिइत बासुदेव व देवकीया च्यागूगु गर्भपाखें विष्णुया च्यागूगु अवतारया रुपं थौंया दिं कृष्णया जन्म जूगु धार्मिक विश्वास दु ।

अन्याय, अत्याचार व दानवी प्रवृत्तिं मानव जातियात सुरक्षित यायेगु आज्जुं विष्णुं मनूया अवतारया रुपय् कृष्ण जुयाः धर्तीइ जन्म काःगु स्मृति कथं थौंया दिं थ्व पर्व न्यायेकेगु यानातःगु खः ।

कौरव व पाण्डवया दथुइ कुरुक्षेत्रय् जूगु धर्मयुद्धय् सत्यया पक्षय् दुपिं पाँच पाण्डवमध्येया अर्जुनया सारथीया रुपं कृष्णं युद्धया शिक्षा ब्यूगु खः । युद्धया झ्वलय् कृष्णं अर्जुनयात ब्यूगु उपदेश हे श्रीमद्भागवत गीता खः ।

कृष्णं गोपिनी व राधालिसे याःगु मतिना प्रसंगया हुनिं थ्व महिना ज्वःछि प्रेम उत्सव अर्थात् झुला उत्सवया रुपं तकं न्यायेकेगु याइगु खः ।

थौंया दिं यलया मंगलय् च्वंगु नांजाःगु ऐतिहासिक कृष्ण देगः, येँया पूर्वी भेगय् च्वंगु गोठाटारय् च्वंगु नवतनधाम, उत्तरी भेग बुढानीलकण्ठय् च्वंगु कृष्ण भावनामृत संघया देगलय् व देय् न्यंकंया मेमेगु कृष्ण देगलय् तःजिक पूजा, आराधना व रथयाा लिसें शोभायात्रा यानाः कृष्ण जन्मास्तमि पर्व न्यायेकेगु याइ ।

थौंया दिनय् विशेष यानाः मिसापिं ब्रत च्वनाः चान्हय् १२ ता इलय् कृष्ण जन्म जूगु लुमन्तिइ पूजा याइगु व चच्छि चा च्वनाः कृष्णया भक्ति संगीत हालेगु याइ । थासं थासय् कृष्णया किपाः ब्वयेगु याइ । थथे यायेबलय् कृष्णं लसता पिज्वयेकाः मनोकामना पूवनीगु धार्मिक विश्वास दु ।

Categorized in राष्ट्रिय