chetrapa55

थौं किपुली लाखे पाः फल्चा उलेज्या जुइगु

नेवा: अनलाइन न्युज – ललेन्द्र शाक्य | २०७६ मङ्सिर १८, बुधबार १३:३५:२८

किपूया मू जात्रा इन्द्रायणी जात्रा (न्हेगां जात्रा)या झ्वलय् छगू मू परम्पराकथं कयातःगु लाखे पाः च्वनेगु जात्रा नं खः । थ्वहे लाखे पाः च्वनीगु जात्राया झ्वलय् किपू नगरपालिका २ वडा द्यःध्वाखाय् लाखे पाः फल्चा निर्माण याःगु दु ।

थौं थिंलाथ्व अष्टमि (मंसीर १८) बुधवाः उगु लाखे पाः फल्चाया उलेज्या ज्याझ्वः जुइगु जूगु दु ।

लाखे पाः निर्माण उपभोक्ता समितिं ग्वसाः ग्वःगु उगु लाखे पाः फल्चा उलेज्या ज्याझ्वः थौं बुधवाः न्हिनय् २ः३० ता इलय् किपू नगरपालिकाया मेयर रमेश महर्जनया ल्हाःतं जुइगु जानकारी ब्यूगु दु ।

किपू २ वडा, द्यःध्वाखा त्वाःया समाजसेवी राजकमल महर्जनया विशेष कुतलं निर्माण जूगु उगु लाखे पाः फल्चा उलेज्या ज्याझ्वलय् सकलसित उपस्थितिया नितिं ग्वसाः खलः लाखे पाः निर्माण उपभोक्ता समितिं इनाप याःगु दु ।

(थन क्लीक यानाः भिडियो स्वयादिसँ)

Categorized in स्थानिय-समाज