nepal lifef 2076 8 8

थौंनिसें खँ ल्हात प्रधानमन्त्री केपी शर्मा ओलीं, स्वास्थ्यय् निरन्तर सुधार

नेवा: अनलाइन न्युज | २०७६ मङ्सिर ११, बुधबार १२:२०:२२

प्रधानमन्त्री केपी शर्मा ओलीया स्वास्थ्यय् निरन्तर सुधार वःगु वासः यायेगुलि दुथ्याःपिं चिकित्सकपिन्सं जानकारी ब्यूगु दु ।

त्रिभुवन विश्वविद्यालय टिचिङ्ग अस्पतालय् च्वंगु मनमोहन कार्डियोथेरासिक भास्कुलर व ट्रान्सप्लान्ट सेन्टरया कार्यकारी निर्देशक डा. उत्तम श्रेष्ठं प्रधानमन्त्री ओलीं थौं बुधवाः सुथनिसें सामान्य खँ ल्हाःगु जानकारी ब्यूगु दु । अस्पतालं थौं बुधवाः हे सुथय् १०ः३० ता इलय् सार्वजनिक याःगु विज्ञप्तिइ शल्यक्रिया लिपा आः सघन वासः यायेगु नितिं सकतां व्यवस्थालिसें निरन्तर निगरानीइ तःगु दु धकाः धयातःगु दु ।

प्रधानमन्त्री ओलीया मंगलवा एपेन्डिसाइटिसया अपरेशन याःगु खः ।

अस्पतालय् भिआईपीपिनिगु भीड

थ्वहे दथुइ प्रधानमन्त्री ओलीया स्वास्थ्य अवस्था थुइकेत थौं बुधवाः सुथय् नेकपाया महासविच विष्णु पौडेल, उपप्रधान व रक्षामन्त्री ईश्वर पोखरेल, सांसद महेश बस्नेत, नेपाली सेनाया प्रधानसेनापति पूर्णचन्द्र थापा, नेपाल प्रहरीया आईजीपी सर्वेन्द्र खनाल लिसें थीथी ख्यःया मनूतय्गु भीड अस्पतालय् जूगु खः ।

अथेहे, पार्टीया मेपिं नेता व कार्यकता लिसें शुभचिन्तकपिं नं अस्पतालय् थ्यंकूगु नेकपाया नेता व सांसद महेश बस्नेतं जानकारी ब्यूगु दु । स्वास्थ्य लाभया नितिं अस्पताल थ्यंकूपिन्सं प्रधानमन्त्रीया सचिवालयया दुजः व चिकित्सकपिन्त नापलानाः जानकारी काःगु खः ।

Categorized in राजनीति