nepal lifef 2076 8 8

थःगु त्वाःबाः त्वःताः वनेमाःगु दुःख

नेवा: अनलाइन न्युज | २०७६ आश्विन २०, सोमबार १६:३१:१९

प्रकाश शाक्य

–    थौंकन्हय् छि गन ?
–    गन धाये हुँ कन  क्वय् का ।
–    छाय् ले अपाय्सकं तापाक च्वंझायादीगु ?
–     च्वनेत ला थःगु हे थाय् यःगु खःनि दाजुकिजा मिले मजुल । छेँ मिइमाल । भागं दच्छि ध्यबां अलंकां पलंका थ्यंक च्वंवनेमालका ।
– उकिं हे का नखलं नखलय् जक नाप लाइगु ।
थज्याःगु सम्वाद थौंकन्हय् सामान्य जुइधुंकल । नेवाःतय्सं थःआज्जुपिसं दयेका थकूगु देय् त्वःता गांगामय् छेँबु न्यानाः च्वंवनेमाःगु स्थिति उप्वयावःगु दु । आम्दानी स्वयां खर्च उप्वःपिं नेवाःतय् स्थिति अझं स्यना वनेफु । उकिं इलय् हे न्ह्यलं चायेकेमाःगु ख“ विज्ञतय्सं धयाहःगु दु । झीगु देसय् दुने आः पिनें वःपिनि ल्याः झंझं उप्वयावंगु दु धाःसा न्हापायापिं जःलाखःलाःपिं पानावंगु दु । झी जःलाखःला पिनें वःपिं मनूतय् हुल उप्वया वःगु दु । उकि बहाबही चुक ननी न्ह्याथाय् स्वःसां न्हापा थें सुसाकुसाः मदयावंगु जक मखसें ऋतुकथं हना वयाच्वनागु नखःचखः पूजाआजा नं तनावनाच्वंगु दु । गुलिखे थासय् सतः फल्चा अले पुलांगु देय्गःत जीर्ण जुया वनाच्वंगु दु । देय् दुने मू बजारय् लाःगु छँेय् बाज्याया पालंनिसें अंशभाग इनेबलय् धलिं छगः तकं मथयेवं छय्पिसं ग्वाय्पिया सुकुध्यां धासें ध्यबा प्वः जक स्वयेगु यात । वैत सकलें मिले जुयाः कोष दयेकेत मस्वल । यदि सकलें मिले जुयाः छगू कोषया रुपय् यंकेफुगु खःसा थःपिनि वर्चश्व दयांतुं च्वनी उलिं जक मखु, थःपिनिगु आर्थिक रुपं तिबः नं दयाच्वनी ।
    न्हापा नेवाःतय् गुथि पाः फये मफयाः हाकुगुँ पुला वनेमाःगु स्थिति नं दुगु हँ धायेगु याः । तर थौंकन्हय् उगु स्थिति नं मखु । अथे जूसां मू शहरया छेँय् यक्व दामं मियाः दाजुकिजाया दथुइ इना गन गन दंगु थासय् बँ न्यानाः छेँय् दं वनेगु प्रवृत्ति थथे हे बढे जुया वन धाःसा कन्हय् शहरय् नेवाःत हे मदइ वनीगु स्थिति नं वयेफु । थुकियात सचेतता पूर्वक स्वयेमाः ।


Categorized in बिचा: