nepal lifef 2076 8 8

थःगु छेँय् लक्ष्मी बास याकादिसँ, गथे यानाः ?

२०७४ जेठ २, मंगलबार १४:५९:५३

यदि अधिकांश ई धनया संकट छिगु जीवनय् वल धाःसा सम्भव जू कि छि नं थन न्ह्यब्वयागु मध्ये छुं गल्ली अनिवार्य रुपं यानाच्वनादीगु दु, गुकिं यानाः लक्ष्मी द्यः छिलिसे असन्तुष्ट जुयाच्वंगु दु ।

१) गुगु छेँय् पूजाया मत फू फू यानाः च्याकी बाय् स्याइ, अन लक्ष्मी वइमखु ।

२) यदि छिसं त्वःधूगु ककिचां सँ छ्यनेगु यानादियासा व धनया नितिं अपसगुन कथं काइ ।

३) बहनी तुति मस्यूसे देनी बलय् व फोहरगु नवःगु तुति ज्वनाः देनेगु बानि नं धनया नितिं अशुभ खः ।

४) शास्त्रय् धयातःगु दु कि सूद्र्यः त्वसांनिसें सूद्र्यः बिइगु दथुइ मिजं–मिसां यौन स्वापू तयेगुपाखें तापायेमाः । गन न्हिनय्या इलय् मिसा–मिजं यौन स्वापू तइ, अन लक्ष्मीं बास याइमखु ।

५) यदि छि बहनी चिपगु थलबल छेँय् मस्यूसे तयेगु याइ वा सुथय् सिलेगु बानि दुसा व बानियात हिलादिसँ । थथे यायेबलय् छेँपाखें लक्ष्मी बिस्युं वनीमखु ।

६) यदि छिगु लुसि चपेयायेगु बाय् वां लुसि वांन्यायेगु बानि दुसा थुगु बानि नं धनया नितिं बांलाःगु पक्ष मखु । थुज्वःगु बानिं छिगु म्हगः सदां चिप जुयाच्वनी व लक्ष्मी असन्तुष्ट जुयाच्वनी ।

७) गुगु छेँय् सूद्र्यः लुकुबिइ धुंकाः बँ पुइ अन लक्ष्मी च्वने चाहे जुइमखु ।

८) शास्त्रं धयातःगु दु कि गुगु छेँय् पितृपक्षया पितरपिनिगु श्राद्ध याइमखु अन लक्ष्मी च्वनीमखु ।

९) गुगु छेँय् नियमित शंख थ्वइमखु बाय् द्यःपिनिगु विषयस अपशब्द न्वःवाइ अन लक्ष्मीं गुबलें नं बास याइमखु ।

–एजेन्सी