jivan sahara nepal life

तृप्त रेष्टुरेन्टय् मिँ च्यात, ३५ लाख ध्वस्त जुल

नेवा: अनलाइन न्युज – ललेन्द्र शाक्य | २०७६ फाल्गुण २, शुक्रबार ११:१७:५३

येँ महानगरपालिका ९ वडाया रामचन्द्र मार्ग बत्तीसपुतली गौशालाय् च्वंगु तृप्त रेष्टुरेन्ट एण्ड बारय् तच्वकं मिँ च्याःगु दु ।

बिहिवाः चान्हय् १२ ता इलय् उगु रेष्टुरेन्ट बन्द यानाः वंगु खःसा नं १२ः१५ ता इलय् मिँ च्याःगु जानकारी उगु रेष्टुरेन्टया प्रमुख सशस्त्र प्रहरी इन्स्पेक्टर सुदीप प्रसाइँ नं जानकारी ब्यूगु दु ।

नकतिनि स्वला न्ह्यः जक संचालनय् वःगु तृप्त रेष्टुरेन्ट एण्ड बारय् च्याःगु मिँपाखें थ्यंमथ्यं ३५ लाख तका बराबारया भौतिक हलंज्वलत नष्ट जूगु संचालक सुदीप प्रसाइँ नं जानकारी ब्यूगु दु ।

संचालक सुदीप प्रसाइँया कथं मिँपाखें रेष्टुरेन्टया हल पूर्ण रुप क्षति जूगु दुसा हल लिक्क च्वंगु किचेनय् धाःसा छुं क्षति जूगु मदु ।

रेष्टुरेन्टय् गुकथं व सुपाखें मिँ च्यात, थुगु विषयस अनुसन्धान जुयाच्वंगु प्रहरीं जानकारी ब्यूगु दु ।

Categorized in दुर्घटना-अपराध