तिनाउ खुसिबाः, सतर्क जुइत इनाप
नेवा: अनलाइन न्युज | २०७६ श्रावण ७, मंगलबार १२:०७:२६
सोमवाःनिसें हाकनं वःगु तच्वःगु वाया हुनिं बुटवलय् तिनाउ खुसिइ जल सतहं खतराया तह पार याःगु दु ।
नेपाल बाढी मापन सूचना केन्दं तिनउया च्वय् च्वंगु तटीय क्षेत्रय् जल सतहं खतराया तह पार याःगु व जल सतह अप्वयाच्वंगु क्रम न्ह्यानाच्वंगु जानकारी ब्यूगु दु ।
केन्द्र सुथय् ६ ता इलय् सुचं सार्वजनिक यासें बुटवलसिबें क्वय् च्वंगु तटय क्षेत्रया खुसि सिथय् च्वनाच्वंपिं बासिन्दापिन्त बहनीतक उच्च सतर्कताया लिसें सुरक्षित थासय् च्वनेत इनाप याःगु खः ।
मंगलवाः व बुधवा खासयानाः कन्काई, कमला, बागमती, पूर्वी राप्ती लिसेंया खुसिइ बहाब आपालं अप्वइगु व छुं शाखा खुसिइ बहाव खतरा तहतक थ्यनीगु मौसमविदपिन्सं धाःगु दु ।
Categorized in दुर्घटना-अपराध
