nepal lifef 2076 8 8

तिंख्यःया दुइँमाजु अजिमा टहराय् तालाबन्दी, उपमेयर हरिप्रभा खड्गीया उपस्थिति

नेवा: अनलाइन न्युज | २०७६ कार्तिक २९, शुक्रबार १५:३१:२६

येँया तिंख्यः स्वाःगु गुथिया जग्गाय् पसः तयेत दयेकातmगु टहराय् येँ महानगरपालिकां तालं ग्वयाब्यूगु दु । तिंख्यःपाखें उत्तर व रत्नपार्कपाखें दक्षिणपाखेया अस्थायी बसपार्क दुने च्वंगु दुइँमाजु अजिमा गुथिया छगू रोपनी जग्गाय् टहरा दयेकाः पसःया नितिं बालं बियातःगु खः ।

उगु जग्गाय् शुक्रवाः महानगरपालिकाया उपमेयर हरिप्रभा खड्गी श्रेष्ठया उपस्थितिइ तालं ग्वःगु खः । दुइँमाजु अजिमा गुथिया उगु जग्गा व्यक्तिगत जग्गाथें हे छ्यलाबुला यानाः मासिक ७ लख तका दां वइगु कथं ३५ गू पसःयात बालं बियातःगु खः ।

गुथि संस्थानं सुरुइ अमृता भट्टराईयात मासिक १५ हजार तका दामं बालं ब्यूगु खः । गुथि संस्थानं उगु सम्झौता भंग यायेधुंकूगु दु । येँ महानगरपालिका २८ वडा ज्याकुथिं बुधवाः जिल्ला प्रशासन ज्याकुथियात शुक्रवाः टहरा चीइकेगु विषयस जानकारी ब्यूगु खः ।

गुथि संस्थानं अमृता भट्टराईया सम्झौता रद्द यानाः उगु दुइँमाजु अजिमाया थाय् व जःखःया थाय् सुचपिचु व सुरक्षित यायेगु व छुं संरचना दयेकूगु दुसा खाली यायेगु धकाः निर्णय याःगुलिं टहरा चिइकेगु महानगरपालिकां जानकारी ब्यूगु दु ।

Categorized in बजाः