telecom 18 kartik 2076

तालिम केन्द्रया सई गिरफ्तार ः प्रशिक्षार्थीयात यौन दुर्व्यवहार

नेवा: अनलाइन न्युज | २०७६ आश्विन ३०, बिहिबार १६:४९:४९

नेपालगञ्जय् च्वंगु प्रदेश प्रहरी तालिम केन्द्र दुने मिसायात यौन दुर्व्यवहार जूगु धासें उजुरी लाःगु दु । आइतवाः न्हिनय् ३ ता इलय् मिसा ब्यारेक दुने प्रशिक्षार्थीयात यौन दुर्व्यवहारया कुतः जूगु प्रहरीइ उजुरी लाःगु खः ।

घटनाय् दुथ्याःगु द्वपनय् तालिम केन्द्रय् हे ज्या यानाच्वंम्ह नायब निरीक्षक (सई) बमबहादुर रानायात गिरफ्तार याःगु खः ।

जिल्ला प्रहरी ज्याकुथि बाँकेया प्रमुख एसपी वीरबहादुर वलीं रानायात गिरफ्तार यानागु पुष्टि याःगु दु । वं धाःगु दु, “पीडितं जाहेरी बिइधुंकाः गिरफ्तार यानाः अनुसन्धान न्ह्याकागु दु ।”

वलीया कथं रानायात अनुसन्धानया नितिं जिल्ला अदालतं ७ न्हु म्याद थप जुइधुंकूगु दु । वलीं धाःगु दु, “विस्तृत अनुसन्धान व प्राविधिक पक्षया छानविन यानाच्वंगु दु ।”

Categorized in दुर्घटना-अपराध