ad 2076 5 18

डा. बाबुराम भट्टराई सत्तारुढ दलया सिटय् च्वन, नेकपा सांसदं बिल सुभाय्

नेवा: अनलाइन न्युज | २०७६ भाद्र ५, बिहिबार १७:०७:३२

पूर्वप्रधानमन्त्री डा. बाबुराम भट्टराई थौं बिहिवाःनिसें प्रतिनिनिधसभाय् सत्तारुढ दलया सिटय् च्वंगु दु । संघीय समाजवादी फोरम व नयाा शक्ति नेपाल दथुइ एकता जूगु जानकारीलिसें निर्वाचन आयोगं वःगु पौ बिहिवाः प्रतिनिधिसभाय् वःगु धासे. सभामुख कृष्णबहादुर महरां बाचन यानाः न्यंकूगु खः ।

थ्वसिबें न्ह्यः नेता भट्टराई प्रतिनिधिसभाय् स्वतन्त्र सांसद च्वनीगु सिटय् च्वनाः वयाच्वंगु खः । नयाँ शक्ति पार्टीं राष्ट्रिय दलया मान्यता कायेमफूगुलिं डा. भट्टराई स्वतन्त्र सांसदया हैसियतय् च्वनाच्वंगु खः । तर पार्टी एकता लिपा भट्टराई सत्तारुढ दलया सांसद जूगु दु । भट्टराईया पार्टी समाजवादी पार्टीयापाखें निम्ह मन्त्री दु ।

नेकपा सांसदं बिल सुभाय्

पूर्वप्रधानमन्त्री भट्टराई सत्तारुढ दलया सिटय् च्वंगुलिं नेकपा सांसद विरोध खतिवडां सुभाय् ब्यूगु दु । छुं ई न्ह्यः वं संसद बेठकय् डा. भट्टराई च्वनीगु सिट सही खःला धकाः न्ह्यसः तःगु खः ।

उगु इलय् उपसभामुख शिवमाया तुम्बाहाम्फे. पार्टी एकताया जानकारी निर्वाचन आयोगं मवःगुलिं सिट मिलेमजूगु जानकारी ब्यूगु खः ।

थौं बिहिवाः सांसद खतिवडां ई कयाः न्वःवासे. थःम्हं ल्ह्वनागु विषय कार्यान्वयन जूगुलिं संसद सचिवालययात सुभाय् ब्यूगु दु ।

खतिवडां न्ह्यःने धाःगु दु, “थ्व संसद नियमावलीया खँ जक मखु, नेपाली संस्कार नं खः । ब्याहा जुइधुंकाः मतिनामिलिसे सिबें भाःतलिसे च्वंगु बांलाः, थःछेँय् च्वंगुसिबें छेँय् च्वंगु बांलाः जुइ । सुरु सुरुइ मछाली लिपा चिला वनी ।”

Categorized in राजनीति