raj medeya

डडेल्धुराय् मलः जुयाः केहेँम्ह सित, तताम्ह घाःपाः

नेवा: अनलाइन न्युज | २०७६ जेठ २९, बुधबार १२:०१:२०

मलः जुयाः डडेल्धुराय् छम्ह मिसामचा सीगु दु । परशुराम नगरपालिका–३ मार्कुया १३ दँ दुम्ह मिसामचा संगीता भाट मलः (चट्याङ) जुयाः सीगु खः ।

बुधवाः सुथय् छेँय् च्वनाच्वंगु इलय् मलः जुयाः घाःपाः जूम्ह संगीतायात वासः यायेगु नितिं अस्पताल यंकूबलय् लँपुइ हे सीगु जिल्ला प्रहरी ज्याकुथि डडेल्धुरां जानकारी ब्यूगु दु ।

संगीता भागेश्वर मा.वि.इ शीर्षय् कक्षा ८ य् ब्वनाच्वंम्ह खः ।

मलः जुयाः वहे थासय् च्वंपिं मेपिं स्वम्ह घाःपाः जूगु दु । ४० दँया भरत विष्ट, ५० दँया महादेव भट्ट व १५ दँया मीना भाट घाःपाः जूगु दु । मीना भाट संगीताया तता खः । घाःपाः जूपिंमध्ये भरतया अवस्था तच्वः जुयाच्वंगु प्रहरीं जानकारी ब्यूगु दु ।

Categorized in दुर्घटना-अपराध