ad 2076 5 18

टी–२० विश्वकप ः नेपाः बुत सिंगापुरलिसे

नेवा: अनलाइन न्युज | २०७६ श्रावण १२, आइतबार ११:४४:१८

टी–२० विश्वकप क्रिकेटय् सिंगापुरलिसे बांमलाक्क हे नेपाः बूगु दु ।

आइतवाः जूगु कासाय् नेपाःया ८२ रनया अन्तरं बुकुसें सिंगापुरं एसिया फाइनलया उपाधी जक त्याकूगु मखुसे विश्वकपया ग्लोबल छनोटय् थाय् दयेकूगु दु ।

१९२ रनया आज्जु काःगु नेपालं १५ ओभरय् फुक्क विकेट गुमेयानाः १०९ रन जक दयेकूगु खः । औसत सुरुवात याःगु नेपाःया कप्तान पारस खड्का व्यक्तिगत १२ रनय् आउट जूगु खः । ज्ञानेन्द्र मल्लं २१ बलय् ३९ रन दयेकूगु खः ।

उपकप्तान मल्ल निगूगु विकेटया रुपं आउट जुयाः नेपाःया स्कोर ५४ रन जूगु खः । वधुंकाः नेपाः बांमलाःगु ई दुने लाःगु खः । वधुंकाः मेगु विकेट गुमेयात ।

अतिकं दबाबय् वःगु नेपाःया नितिं दीपेन्द्रसिंह ऐरी व सोमपाल कामीया जोडी लिपांगु आशा जूगु खः । निम्हेस्यां न्हयक्वःगु विकेटया नितिं ३१ रनया साझेदार नं याःगु खः तर १३.२ओभरय् सोमपाल रनआउट जुल । निम्ह ब्याट्सम्यान दथुइ कम्युनिकेशन ग्याप जुयाः सोमपाल रनआउट जूगु खः । थ्वलिसें सिंगापुर त्यायेत ताःलाःत ।

दिपेन्द्र सिंह ऐरीं २३ रन दयेकूगु खःसा सोमपाल कामीं ११ रन मुंकूगु खः । मेपिं ब्याट्सम्यानं दोहोरो अकं मुंकेमफुत । सिंगापुरया सेलेडोर भिजयकुमारं ४ विकेट काःगु खः ।

थ्वसिबें न्ह्यः टस त्याकाः न्हापां ब्याटिङ याःम्ह सिंगापुरं निर्धारित २० ओभरय् ६ विकेट गुमेयानाः १९१ रन दयेकूगु खः।

Categorized in कासा