ad 2076 5 18

झी गुलि द्यने माः ?

नेवा: अनलाइन न्युज | २०७२ माघ २९, शुक्रबार ११:२१:३८

यक्व मनूतय्सं थ्व चायेका च्वनी कि थः गुलि द्यने माःगु खः उलि द्यने खनाच्वंगु मखु । तर गुलि द्यने माः ले थ्व धाःसा सीके फइमखु । अमेरिकाय् नकतिनि जूगु छगू शोधय् सीकूगु दु कि थ्व मनूया दँया लिधंसाय् बिस्कं बिस्कं जुइ ।

जीवनशैलीया अभाव, अय्लाः, कपि व एनर्जी ड्रिंक नयेगु थुज्वःगु ज्वलं खः गुकिं छिगु न्हियान्हिथंया दिनचर्यायात प्रभावित यायेफु ।
अमेरिकाया भर्जिनियाय् च्वंगु एरलिंगटनया च्यारिटी नेशनल स्लीप फाउंडेशनया कथं हरेक मनूया जीवनशैली वयागु न्ह्यःया आवश्यकता थुइकेगु आधार जुइ । तर छिगु द“या ल्याखं द्यनेगु बारे छुं सल्लाह बी फइ ।

१. नवजात (०–३ ला) – नवजातपिं न्हियान्हिथं १४ निसें १८ घण्टातक द्यनेमाः । अथे नं ११ निसें १  ३ घण्टाया न्ह्यः नं उमिगु निंतिं गाः । तर १९ घण्टां अप्वः द्यने मज्यूगु सल्लाह बियातःगु दु ।
२. शिशु (४–११ ला) – शिशुतय्गु निंतिं १२ निसें १५ घण्टातक द्यनेगु सल्लाह बियातःगु दु । म्होतिं नं १० घण्टा द्यने हे माः । तर उमि द्यनेगु ई गुबलें नं १८ घण्टां अप्वः जुइमज्यू ।
३. चीधिकःम्ह मचा (१–२ दँ) – उमिगु निंतिं ११ निसें १४ घण्टा द्यनेगु सल्लाह बियातःगु दु तर ९ निसें १६ घण्टातक द्यंसां उमित बेफाइदा जुइमखु ।
४. स्कूल वने न्ह्यःया दँया मस्त (३–५ दँ) – विशेज्ञपिसं उमिगु निंतिं १० निसें १३घण्टातकद्यनेगु सुझाव ब्यूगु दु । ८ घण्टां म्हो व १४ घण्टां अप्वः न्ह्यः उमिगु निंतिं बांलाः मजूगु तायेकी ।
५. स्कूल वनेगु दँया मस्त (६–१३ दँ) – थुपिं मस्तय्गु निंतिं नेशनल स्लीप फाउंडेशनं (एनएसएफ) ९ निसे ११ घण्टा द्यनेगु सुझाव ब्यूगु दु । उमिगु निंतिं ७ स्वयां म्हो व ११ घण्टा स्वयां अप्वः द्यनेगु सही मखु ।६. किशोरावस्था (१४–१७ दँ) – थुमित ८ निसें १० घण्टाया न्ह्यःया सुझाव बियातःगु दु तर ७ स्वयां म्हो व ११ स्वयां अप्वः घण्टा न्ह्यःयात एनएसएफं सही तायेकी मखु ।
७. वयस्क (१८–२५ दँ) – नौजवान वयस्कपिनि निंतिं ७ निसें ९ घण्टा द्यनेगु सल्लाह बियातःगु दु तर थ्व ६ घण्टां म्हो व ११ घण्टां ताःहाकः जुइमज्यू ।
८. बाज्यः वंपिं (२६–६४ दँ) – थुमिगु निंतिं नौजवान वयस्कपिंत थें हे सुझाव बियातःगु दु ।
९. ज्याथ (६५ दं च्वय्यापिं) – थ्व दँया मनूतय्गु निंतिं ७–८ घण्टा द्यनेगु सुझाव बियातःगु दु । 
उपिं ५ घण्टां म्हो व ९ घण्टां अप्वः द्यने मज्यू ।

एनएसएफया विशेज्ञपिसं बांलाःगु न्ह्यःया निंतिं यक्व सुझावत ब्यूगु दु । दकलय् न्हापां ला उमिसं न्ह्यःयात प्राथमिकता बीगु वकालत याःगु दु । थ्व सल्लाहयात अमल यायेत इनाप याःगु दु ।

इलय् द्यनेगु बानि
न्हियान्हिथं व्यायाम
बेडरुमय् क्वाःजः, सः व जःया सन्तुलन
आरामदायक लासा व फुंगाया छ्यलाबुला
अय्लाः व कफिं बचय् जुइगु
द्यने न्ह्यः विद्यूतीय उपकरणत बन्द यायेगु ।