chetrapa55

झिक्वःगु नेवाः एकता दिवस भुगोलपार्कं जुलुस असनय् सभा यानाः हनिगु

नेवा: अनलाइन न्युज – निश्चल | २०७६ मङ्सिर २१, शनिबार १४:४९:२७

थ्व हे वइगु पुस १९ गते शनिवाः झिक्वःगु नेवाः एकता दिवस हनिगु जुगु दु ।

नेवाः देय् दबूया संयोजनय् हनेत्यंगु उगु ज्याझ्वःया नितिं थीथी कथंया तयारी ज्याझ्वः न्ह्यानाच्वंगु दु ।

वइगु पोहेलाथ्व नवमि , पुष १९ गते शनिबाः न्हिं येँया असनय् खुल्ला सभा यानाः यायेगु व थ्वया न्ह्यः न्युरोड भुगोलपार्कय् मुनाः जुलुस न्ह्याकेगु ज्याझ्वः तःगु दु ।

थथे नेवाः एकता दिवस हनिगु नितिं वंगु बिहिवाः च्वंगु मुज्यां इनाप पर्चा मंसिर २४ गते पिथनाः वितरण यायेगु थीथी खलः पुचःयात ब्वनापौ पुष ५ गते निसें १५ गते तक दुने इनेगु ,नेवाः न्ह्यलुवापिनिगु बृहत भेला यानाः पुष ५ गते न्हिनसिया १ बजे नेपाः ब्यान्क्वेटय् अन्तरक्रिया ज्याभ्mवः यायेगु ज्याझ्वः यायेगु विशिष्ट नेवाः न्ह्यलुवापिन्त ब्यक्तिगत कथं नापलायेगु ज्या पुष ३ गते तकया दुने क्वचायेकेगु अथे हे नेवाः चोक बस्तिइ यखायेगु , थुगु ब्यानर यखायेगु ज्या पुष १२ तकया दुने क्वचायेकेगु  व मंसिर २८ गते निसें पुष १५ गते तक थीथी लागाय् सहलह ज्याभ्mवः न्ह्याकेगु ज्याझ्वः प्रस्तबित याःगु दु । संयोजन पुचलं थौं शनिवाः येँया नेपाः ब्याकेटय् थीथी खलः पुचःया भेला याःगु दु ।

Categorized in राष्ट्रिय