telecom 18 kartik 2076

जर्मनीलिसे फाइनल म्हिती, विश्वकप ब्राजिलं त्याकीः –शाक्य, आरसीटी नायः (टेलिफोन वार्ता)

नेपाःया दकले पुलांगु फुटबल क्बल येँया अन्नपूर्ण क्लब (आरसीटी क्लब) या नायः सुरेश शाक्यं थुगुसीया २१ क्वःगु रसिया विश्वकप फुटबलया उपाधि ब्राजिलं त्याकी धकाः धयादीगु दु । वय्कलं फाइनल कासा जर्मनी व ब्राजिल दथुइ जुइ तर, कप ब्राजिलया ल्हातय् लाइ धकाः धयादीगु दु ।

वय्कलं नेपाःया फुटबल क्षेत्रय् एन्फा आधिकारिक संस्था जूगु धयादिसें अन दुने भ्रष्टाचार जुयाच्वंगु हुनिं हे नेपाःया फुटबल स्तर थाहां वयेमफूगु खँ कनादीगु दु ।

नायः भाजु शाक्यं नेपाः विश्वकप गबले म्हिती धैगु सन्दर्भय् नेपाः सरकारं फुटबल कासा ख्यलय् बांलाक्क योगदान याःसा जक विश्वकपय् नेपाः थ्यनी, गबलेतक सरकारं फुटबल कासायात विशेष प्राथमिकता बियाः कासामिपिनिगु उन्नति यायेगु पलाः ल्ह्वनीमखु, उबलेतक नेपाः विश्वकपय् वनीगु छुं संकेत हे मदूगु खँ कनादीगु दु ।

(थन क्लीक यानाः आरसीटी क्लबया नायः सुरेश शाक्यलिसेया टेलिफोन वार्ता न्यनादिसँ ।)