telecom 18 kartik 2076

जन नृत्य गुरु हरिकृष्ण दर्शनधारीया ७ क्वःगु स्मृतिइ शनिवाः इन्द्रेणी साँझ जुइगु

नेवा: अनलाइन न्युज – ललेन्द्र शाक्य | २०७६ श्रावण २७, सोमबार १६:०७:११

जन नृत्य गुरु हरिकृष्ण दर्शनधारीया ७ क्वःगु वार्षिक स्मृतिइ ईन्द्रेणी सास्कृतिक समाज (इसास) किपूया ग्वसालय् थीथी जनसांस्कृतिक ज्याझ्वः जुइगु जूगु दु ।

वइगु श्रावण ३२ गते शनिवाः न्हिनसिया ३ ता इलय् किपूया १ वडा बाघभैरवया प्रजादबुली उगु ज्याझ्वः जुइगु जानकारी इसास किपूया संगीतकःमि गुज्ये मालाकार नेवाः अनलाईन न्यूजयात बियादीगु दु ।

इन्द्रेणी साँझ नां बियातःगु उगु जनसांस्कृतिक ज्याझ्वलय् नेपाल संगीत तथा नाट्य प्रज्ञा प्रतिष्ठानया कुलपतिलिसें जनकलाकार नारायण भक्त श्रेष्ठ (रायन) मूपाहाँ कथं झाइगु जानकारी नं ग्वसाः खलः इसास किपू नं ब्यूगु दु ।

अथेहे, उगु इसास किपूया इन्द्रेणी साँझ ज्याझ्वलय् ‘स्मृतिया सः’ नांया अडियो सिडि नं सार्वजनिक जुइगु ज्याझ्वः तयातःगु दुसा ग्वसाः खलकं सकल संगीतह्यःमिपिन्त उगु ज्याझ्वलय् उपस्थितिया नितिं इनाप याःगु दु ।

Categorized in कला