telecom 18 kartik 2076

छेँय् बम दयेका मनू स्यायेगु ज्या याःगु द्वपनय् सांसद आलम पक्राउ

नेवा: अनलाइन न्युज | २०७६ आश्विन २६, आइतबार २२:२१:३९

प्रतिनिधिसभाय् नेपाली काङ्ग्रेसया पाखें निर्वाचित सांसद मोहम्मद आफताब आलमयात प्रहरी ज्वंगु दु । रौतहट क्षेत्र नं २ पाखें निर्वाचित सांसद आलमयात रौतहट प्रहरी थौं आइतवाः स्थय् ज्वंगु खः। सांसद आलमयात गौर नजिक इद्रिस गेट पाखें ज्वनाःगु जिल्ला प्रहरी कार्यालय रौतहटया प्रवक्ता नवीन कार्की जानकारी ब्यूगु दु । २०६४ चैतय् जुगु बम काण्डय् संलग्न जुगु द्वपनय् किटानी जाहेरी लाःगु खः। आलमयात जिल्ला प्रहरी कार्यालय रौतहट तयाःतःगु दु । थों अदालत पाखें म्याद थप यानाः अनुसन्धान यानाःगु खँ प्रहरी नायब उपरीक्षक कार्की कनादिगु दु ।
सांसद आलमं न्हापांगु संविधानसभाया निर्वाचनय् बुथ क्याप्चर यायेगु उद्देश्य थःगु छेँय् बम दयेकेगु ज्या यायेगु झ्वलय् विस्फोट जुयाः घाःपा जुपिं मध्ये १३ म्ह सित सःतिगु अप्पा भट्टाय् यंकाः स्याःगु द्वपं लाःगु दु ।

Categorized in दुर्घटना-अपराध