chetrapa55

छायाँदेवी कम्प्लेक्स विरुद्ध वंघलं जुलुस पिदन

नेवा: अनलाइन न्युज | २०७६ श्रावण १९, आइतबार १४:१७:३१

नेवाः राजनीतिक अभियान, नेवाः ग्वाहालि पुचः, थँबही सामाजिक सुधार समितिया मंकाः ग्वसालय् थौं आइतवाः सुथय् येँया वंघलं छायाँदेवी कम्प्लेक्सया विरुद्धय् जुलुस पिकाःगु दु ।

येँया २६ वडा थँबहीया सम्पदा क्षेत्र पलेस्वां पुखू न्हंकाः छायाँदेवी कम्प्लेक्स दयेकूगु विरुद्ध थथे विरोध जुलुस याःगु खः ।

वंघलं न्ह्याःगु जुलुस थीथी लागा चाःहिलाः थँबहीया छायाँदेवी कम्प्लेक्स न्ह्यःने कोणसभा याःगु खः । उगु कोणसभाय् नेवाः राजनीतिक अभियानया रविन्द्र श्रेष्ठ, कोथुननी बचाऊ अभियानया नमस्ते सायमि, सेभ नेपाः भ्यालीया सुरज महर्जन, फाष्ट ट्रायक जनसरोकार समितिया नेपाल डंगोललिसें नेवाः राजनीतिक अभियानया न्वकू प्रेम शिलाकार व थीथी वक्तापिन्सं छाँयादेवी कम्प्लेक्स थुनाः पुलांगु पलेस्वां पुखू हे पलिस्था यायेमाःगु माग याःगु खः ।

Categorized in नेवाः