ad 2076 5 18

छघौतक सहलह : राष्ट्रपति विद्यादेवी व प्रचण्डदथुइ

नेवा: अनलाइन न्युज | २०७६ भाद्र ८, आइतबार १६:२८:१४

प्रधानमन्त्री व नेकपा नायः केपी शर्मा ओली स्वास्थ्य उपचारया नितिं सिंगापुर वनेधुंकाः मेम्ह नायः पुष्पकमल दाहाल प्रचण्डं राजनीतिक नापलायेज्याय् तीव्र याःगु दु ।

नेकपा नायः प्रचण्डं आइतवाः राष्ट्रपति विद्यादेवी भण्डारीलिसे छघौतक सहलह याःगु दु । सुथय् ९ ता इलय् शितल विनास दुहाँ वंम्ह प्रचण्ड १० बजे जक पिहाँ वःगु खः ।

प्रचण्डं कार्यबाहक प्रधानमन्त्री व पार्टीया मेम्ह प्रभावशाली नेता ईश्वर पोखरेललिसे नं सहलह ब्याकूगु स्रोतं जानकारी ब्यूगु दु ।

राष्ट्रपति भण्डार िव कार्यवाहक प्रधानमन्त्री पोखरेललिसे छु विषयस खँ जुल धैगु बारे सीमदुनि । तर, प्रचण्डया सचिवालयं धाःसा निगुलिं नापलायेज्याय् समसामयिक राजनीति बारे सहलह जूगु जानकारी ब्यूगु दु ।

Categorized in राजनीति