telecom 18 kartik 2076

च्वापु गाल उपल्लो मुस्ताङय्

नेवा: अनलाइन न्युज | २०७६ कार्तिक २२, शुक्रबार १४:४६:१४

उपल्लो मुस्ताङय् थौं शुक्रवाः सुथंनिसें च्वापू गाःगु दु । दामोदरकुण्ड लोघेकर व लोमान्थाङ गाउँपालिकाय् थुगु दँ न्हापांगुखुसि च्वापू गाःगु दु ।

चराङ, मराङ, लोमान्थाङ, छोसेर व छोन्हुपय् च्वापु गाःगु दामोदरकुण्ड लोघेकर गाउँपालिका–१ इा वडाध्यक्ष टसी ढुण्डुक ठकुरीं जानकारी ब्यूगु दु ।

चराङय् सुथय्तक वा वयाच्वंगु वय्कलं जानकारी ब्यूगु दु । वा व च्वापुवाया हुनिं ख्वाउँगु अप्वःगु दु । जनजीवनय् लिच्वः लाःगु दु । डाँडातय्के तःफिगु च्वापू जमेजूगु दु । बस्तीइ निगू स्वंगू सेन्टिमिटर तःफिगु च्वापु जमेजूगु दु ।

ख्वाउँसे च्वंगु व च्वापुवाया हुनिं निर्माणाधीन बेनी–सोमसोम–कोरला लिसेंया विकास आयोजनाय् लिच्वः लाःगु दु । ख्वाउँगु तंकेगु नितिं उपल्लो मुस्ताङया बासिन्दापिं बेँसी क्वाहाँ वयाच्वंगु दु । पोखरा, येँ, चितवन, बुटवल लिसेंया थासय् वनेगु ज्या न्ह्याकूगु दु ।

छेँय् कुरुवायात तयाः लुमुगु थाय् पाखे वंपिं उपल्लो मुस्ताङया बासिन्दा ताःन्वइगु ई फागुन महिना वलकि हाकनं थःपिनिगु हे छेँय् लिहाँ वनी । इमिसं घुम्ती ब्यापार नं यायेगु याइ ।

Categorized in स्थानिय-समाज