telecom 18 kartik 2076

चोबहाःपाखें पेस्तोललिसें स्वम्ह गिरफ्तार

नेवा: अनलाइन न्युज | २०७६ कार्तिक २१, बिहिबार १६:००:५४

प्रहरीं येँया चोबहाःपाखे. छगू पेस्तोल व उकी तयेगु ५ राउण्ड गोलीलिसें स्वम्हेसित गिरफ्तार याःगु दु ।

गिरफ्तारीइ लाःपिं मनोज बस्नेत, देबेन्द्र भण्डारी व सुमन खड्का खः । महानगरीय प्रहरी अपराध अनुसन्धान महाशाखाया प्रमुख एसएसपी सहकुल बहादुर थापां इमित गिरफ्तारी यानागु पुष्टि याःगु दु ।

थापां धाःगु दु, “बा१७च ८३६४ ल्याःया गाडी चेकजाँच यायेगु झ्वलय् ल्वाभःलिसें इमित गिरफ्तार यानागु खः ।”

थापां गिरफ्तारीइ लाःपिन्त विस्तृत अनुसन्धान जुयाच्वंगु धाःगु दु । वया कथं स्वम्हेसित ल्वाभः व खरखजना ऐन अन्तर्गत कारवाही प्रक्रिया न्ह्यःने यंकेगु जुइ ।

Categorized in दुर्घटना-अपराध