nepal life 2076 3 18

Error message

  • Deprecated function: Methods with the same name as their class will not be constructors in a future version of PHP; views_display has a deprecated constructor in include_once() (line 3478 of /home/newahub/public_html/includes/bootstrap.inc).
  • Deprecated function: Methods with the same name as their class will not be constructors in a future version of PHP; views_many_to_one_helper has a deprecated constructor in require_once() (line 113 of /home/newahub/public_html/sites/all/modules/ctools/ctools.module).
  • Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

चेस व संगीतनिसें राजनीति तक डा. अजयक्रान्ति शाक्य

‘अजयक्रान्ति शाक्य’ – नेवाः संगीत ख्यःया नितिं न्हूगु नां मखय्धुंकल । भाजु अजयक्रान्ति नेवाः संगीत ख्यःया नितिं आपालं बाँबांलाःगु म्येत बियादीगु दु । नेवाः संगीत ख्यः धाये वा मनोरन्जन ख्यःया नितिं अजयक्रान्ति शाक्य छम्ह बांलाःम्ह, छम्ह स्यल्लाःम्ह संगीतकःमि खः, कलाकार खः । तर आः देशय् निर्वाचनया लकस क्वानाच्वंगु इलय् वय्कः शाक्य भाजुयात राजनैतीक दलया छम्ह नेता कथं नं म्हस्यूगु दु, स्वनिगःवासीपिन्सं । आः जुइत्यंगु निगूगु चरणया प्रतिनिधि सभा व प्रदेश सभा सदस्य निर्वाचनया नितिं वय्कः भाजुं नं येँ क्षेत्र नम्बर ९ (१)य् वाम गठबन्धनया मंकाः उम्मेदवार कथं नेकपा एमालेपाखें प्रत्यक्ष उम्मेदवारी बियादीगु दु ।

येँ क्षेत्र नम्बर ९ या हे स्थानीय वासिन्दा भाजु शाक्यया जन्म येँया लगं त्वालय् जूगु खः । ४८दँ दयेधुंकूम्ह शाक्यं विश्व निकेतन माध्यामिक विद्यालयपाखें थःगु ब्वनेज्या पूवंकादीगु खः । शिक्षाय् वय्कलं बुद्धिज्मय् विद्यावारिधि तक यानाः थौंकन्हय् डा.अजयक्रान्ति शाक्यया नामं वय्कःयात म्हसीधुंकूगु दु । भूगर्भ व भौतिक शास्त्र, अर्थशास्त्र, सामाजिकशास्त्र व संगीतय् स्नातकया लिसें स्वंगू विषयस स्नातकोत्तरया अध्ययन नं पूवंकूगु दु ।
२०४० सालय् एसएलसी बीधुंकाः वय्कलं संगीत ख्यःयात थःगु ई बियादिल । उगु इलय् त्वाःत्वालय् जुइगु सांगितिक ज्याझ्वलय् वय्कलं ड्रमसेट, कंगो थुज्वःगु बाजंलिसे थःत दबुलिइ थनेगु यानादिल । व धुंकाः संगीत ख्यलय् संगीत ख्यलय् सक्रिय रुपं न्ह्यज्याःम्ह वय्कलं प्रेमध्वज प्रधानं हालादीगु छन्त येके धुंकाः, भीम तुलाधरं हालादीगु छन्त खंसांनिसें, मदनकृष्ण श्रेष्ठया सलय् मोहनिबलय् तलेजु वनाः, जुजुकाजी रंजीतया सलय् भिंगु भावया स्वां ज्वनाः लगायतया आपालं लोकंव्हाःगु म्येत बियादिल ।

संगीतकःमि, कलाकःमि कथं आपाः म्हस्यूम्ह वय्कः भाजु छम्ह बांलाःम्ह अले नांजाःम्ह चेस कासामि नं खः । १३दँया वैंशय् हे वय्कः ‘चेस च्याम्पियन’ जुइधुुंकूम्ह खः । उगु इलय् हे वय्कः चेसया राष्ट्रिय कासामि तकं जुइत ताःलानाः दर्जनौँ सिरपाःत नं त्याकल । उलि जक मखु, १५दँया उमेरय् हे चेसया ‘राष्ट्रिय कोचर’ तकं जुल । वयां लिपा वय्कलं निदँ तक्क ला चेसया कोचरया रुपय् ज्या यानादिल ।
‘जितः कम्यूनिष्ट आन्दोलनय् हःगु नं चेसं हे खः धाःसां पाइमखु’ भाजु शाक्यं धयादी । ‘१३दँ दुबलय् चेस म्हितेगु न्ह्याका । उगु इलय् रसियन राजदूतलिसे चेस म्हितेत दूतावास वनाच्वनेगु । अनया कम्युनिष्ट लकसं जितः नं गबले कम्युनिष्ट दयेकल, जिं हे वाः मचाः का ।’ डाक्टर शाक्यया धापू दु । अक्टोवर क्रान्ति, विश्वया श्रमिक आन्दोलन आदिया बार नं दुतावास वयेवने यायेगु इलय् हे जानकारी कायेगु व्हःताः चूलाःगु नं वय्कलं धयादी । ‘टंक कार्की, महेश मास्के लिसेंया नेतात नं वय्कःया छेँया लिक्क हे च्वनीगु, छेँ लिक्क हे च्वनीपिं जूबलय् वय्कःपिंलिसेया नं म्हसीका जुल, अले वय्कःपिंलिसे खँल्हाबल्हा नं अप्वयावन । थुकिं नं भाजु शाक्ययात वामपन्थी विचारधारापाखे सालायंकूगु जुयाच्वन ।
उसु व मार्सल आर्टया कासामि तकं जुइधुंकूम्ह डाक्टर शाक्यं विसं. २०४६ सालनिसें छम्ह च्वमि कथं च्वयेगु ज्यायात नं निरन्तरता बियादिल । धर्म–संस्कृतिया विषययात कयाः शाक्यं ‘द शाक्यज्’, ‘मृत्यु संस्कार’, ‘दशकर्म संस्कार’ थुज्वःगु सफू च्वयाः सार्वजनिक यानादीधुंकूगु दु ।
संगीतकःमि, कासामि अले वौद्धिक मनूया रुपय् सक्रियम्ह छि गनं राजनैतीक ख्यलय् लाःवःगु ले धयागु न्ह्यसलय् वय्कलं धयादी, ‘जिं न्हाचः धयाथे जि ला मचाबलय्निसें हे वामपन्थी बिचारधारायाम्ह जुयावन । अले जि प्रत्यक्ष रुपं न्ह्यःने वयागु जक आः खः । मखुसा कम्युनिष्ट व आन्दोलनय् जि सक्रिय जुयाच्वनागु ला ताः ई हे दय्धुंकल ।’
विसं.२०४६ सालया आन्दोलनलिसें हे राजनीतिइ सक्रिय जूम्ह डाक्टर शाक्यं पार्टीया थीथी कमिटीइ च्वनाः ज्या याःगु दु । जनसाँस्कृतिक मञ्चया केन्द्रीय दुजः छगू कार्यकाल व केन्द्रीय कोषाध्यक्षया रुपं निगू कार्यकाल ज्या याःम्ह डाक्टर शाक्यं जिफण्टय् योजना आयोगया दुजःया रुपं निगू कार्यकाल च्वन । जिफण्टय् हे विदेश विभागय् च्वनाः छगू कार्यकाल ज्या याःम्ह डाक्टर शाक्यं उपत्यका समन्वय समितिया थीथी जिम्मेवारीइ नं च्वनाः ज्या यायेधुंकूगु दु । संविधान जारी जुइुधुंकाः नेकपा एमाले नायः केपी शर्मा ओली नेतृत्वया सरकारय् प्रधानमन्त्रीया ज्याकुथिइ विज्ञान प्रविधि सामाजिक साँस्कृतिक विकास सल्लाहकारया रुपं नं ज्या यात ।
थम्हं प्राप्त यानागु सैद्धान्तिक ज्ञान, व्यवहारिक ज्ञान, देशय् विदेशय् भ्रमणलिसें थीथी ज्यां प्राप्त यानागु अनुभवयात आः देश विकासया नितिं व्यवहारय् छ्यलेगु वय्कःया धापू दु । देशय् विद्यमान अस्थीरता व अराजकतायात न्हंकेगु नितिं हे थः आः प्रत्यक्ष रुपं राजनीतिइ कुहांवयागु वय्कःया धापू दु । थः न्हापांनिसें थन हे च्वंच्वनागु व स्थानीय समस्यात थम्हं नं भोगे यानाच्वनागु ल्याखं, थनया समस्या व उकिया समाधानया उपायया बारे थम्हं बांलाक स्यूगु वय्कलं धयादी । अथेजुयाः थः निर्वाचित जुयाः वयेधुंकाः थनया स्थानीय समस्याया समाधान जायेगु अले थनया स्थानीय मनूतय्गु आर्थिक स्तर थकायेत ज्या यायेगु वय्कःया योजना दु ।
देशय् स्थीर सरकार मदयाः हे थनया विकास तकं प्रभावित जुयाच्वंगु अनुभव यानादीम्ह डा. शाक्यं आः वाम गठबन्धनं देशय् स्थीर सरकार बीगु व देशयात समृद्धिपाखे न्ह्याकायंकीगु धयादी । थनया स्थानीय समुदाय लिसें देशया विकासया स्पष्ट खाका व योजना वाम गठबन्धनयाके हे दुगुलिं थः नं वाम गठबन्धनलिसे हे न्ह्यज्यानागु शाक्यया धापू दु । समृद्धि व विकासया लँपुइ स्थानीय समुदायलिसें देशयात न्ह्याकायंकेगु योजना दयेकाच्वनादीम्ह डा. अजयक्रान्ति शाक्य थ्वयां न्ह्यः हरेक ख्यलय् सफल हे खनेदु । आः चुनावय् छम्ह उम्मेदवारया रुपं वय्कःया भविष्य धाःसा वइगु मंसीर २१ गते जुइगु निगूगु चरणया प्रदेश सभा व प्रतिनिधि सभाया निर्वाचनं जक धायेफइ । वय्कःयात