ad 2076 5 18

चीनय् खिचा स्याइगुलिं नेपालय् विरोध

२०७५ आषाढ १२, मंगलबार १३:४५:१६

चीनया युलिन सहरय् जुइगु खिचाया लाः नइगु महोत्सव ‘डग मिट’यात कयाः उगु पर्व मन्यायेकेत व खिचा मस्यायेत नेपालय् थौं असार १२ गते मंगलवाः नेपालय् विरोध प्रदर्शन याइगु जूगु दु ।

शाकाहारी अभियान व पशु हिंसा अभियानया ग्वसालय् थुकथं विरोध प्रदर्शन यायेत्यंगु खः ।

विरोध प्रदर्शन याइपिन्सं चीनया युलिन सहरय् मंकाः कथं खिचा स्यानाः पर्व यायेगु धैगु खिचाया म्वायेगु अधिकारया विरुद्ध क्रुर अपराध जूगु धासें थुगु ज्याझ्वः यायेत्यंगु खः ।

चीनया युलिन सहरय् ‘डग मिट’ फेस्टिभल कथं थीथी थासं खिचात छथाय् हयाः स्यायेगु व थ्वयालिपा खिचाया ला नयेगु व मिइगु याइगु खः ।

चीनय् खिचा स्याइगु विरुद्ध थौं सनिलय् येँया रत्नपार्कय् मुनाः विरोध ¥याली यासें नक्सालय् च्वंगु चिनिया कन्सुलर ज्याकुथि न्ह्यःने छघौ धर्ना च्वनीगु ज्याझ्वः तयातःगु दु ।